郭志仁 - 新年奇遇｜九宮格

究竟要幾多巧合，才造就2024年這一次偶遇？新一年壞男人聚會，G先生急不及興奮分享跟J小姐的相遇。

今個星期初假期後，G打算到灣仔某商業大廈取淘寶集運商品，剛巧另一半放假，她當天下午兩時多到達，原來兩點至三點是午飯時間，本來另一半打算四處逛逛到三點，不過G決定待自己放工才取貨。

G當日五時左右到達商廈，打算進入電梯一刻才發現一位戴黑色運動帽身形高挑的女生在等候，G：「唔好意思唔知你等緊，你先。」G也禮貌地讓她先取貨。女生望見大約半個成年人高的集運商品頗為愕然，拉起來甚費力。G想幫手，但無奈要等自己的貨品。

恰巧G離開時女生仍在等電梯，G便主動問：「使唔使幫手？」女生：「唔該你呀，不過我應該搞得掂。」女生老鼠拉龜，以身體頂住貨物。到大堂G忍不住問：「你要拎去邊？咁啱我有公司車，不如兜埋你過去？」女生知道自己難以處理，就一邊多謝，一邊與G把貨物放入車尾箱。

車上寒暄幾句，女生主動介紹自叫JEN，後來提及G公司，說着說着，女生突然望着G。

J：「你係咪X哥哥？我係明姨（G外母）朋友Paula個女呀！」

G：「吓，有冇咁啱呀！你戴住帽完全認唔到你呀！」

J：「好黐線呀，點會咁都撞到！」

兩人甚興奮，不斷重複最多都是「有冇咁啱呀！」

J：「你知唔知，我今日兩點幾嚟過一次，冇開門先返屋企瞓一陣，紮醒已經五點，就即刻落樓……」

壞男群組結論是：「好彩你當日真係一片好心，如果有少少心動，抄佢牌約飲咖啡，你就大件事……」2024，做好人，一定有好報。

「不須解釋長篇（Reunite），天生應該樂天（Reunite）」。郭富城——想見便遇見。

郭志仁