林月庭 - 平民車仔麵｜甘美人生

2023/01/07 03:12:10 網誌分類: 生活

07 Jan

踏入大角咀佳佳粉麵店，淥麵和餸菜的蒸氣迎面而來，濃濃的鹵水香氣誘人，每一次來先見這一幕，然後走向阿姐，點一個麵餅再叫三個餸，阿姐每次都會問：「要一個定兩個麵？」我會答：「一個。」皆因配餸才是我的目標。

十多個餸菜兜在眼前，五顏六色，出現選擇困難症，理性上應該有肉有菜，但見到鹵水豬大腸、豬耳和牛筋，全都要了，還要加上炸鯪魚球和豬紅，明知很邪惡，但心甘命抵，食了才算。

單是鹵水豬大腸，表層染成深褐色，咬下爆汁，先嚐到鹵水的滋味，再來甘膄脂香，然後是一絡絡肉絲和豬大腸的特殊美味，百吃不厭，是佳佳車仔麵餸菜之王。豬耳和牛筋，前者口感Q彈，後者軟糯纏綿，兩餸都用心機烹煮，在家自己難做，都是來幫襯。

伴麵的湯頭，加入少少鹵水汁，已經非常惹味，再加沙嗲，濃得化不開，掛上粗麵條入口，絕配之食，引人下次回頭。
林月庭