KellyChu - 特首抵落馬洲視察通關 為人員與緝毒犬打氣｜Executive日記
2023/01/09 03:11:50 網誌分類: 生活
落馬洲支線口岸重開首日，李家超一早就同政務司司長陳國基等官員到口岸視察，期間佢好隨和咁問出入境檢查櫃位一位女關員：「今朝係幾時on duty（出勤）啊？」女海關回覆話：「今日六點半開始」；李家超聽完點點頭，鼓勵對方：「OK，努力工作喔，好多市民很期待今日嘅，我哋都希望樣樣順暢！」
主動抱狗顯親切
之後佢去了解清關過程，主動擁抱一隻叫Bailey嘅海關搜查犬，仲笑住問海關人員：「Bailey喺度做咗幾耐？」關員話：「未通關前佢已經喺度架喇」。據Kelly所知，Bailey係一隻五歲男拉布拉多犬，喺英國嘅Surrey Police Dog Training School出世同受訓，之後加入海關負責緝毒，服役咗四年，過去喺落馬洲口岸同機場工作。
李家超亦與過關嘅市民交流，主動問佢哋：「排隊排咗幾耐？」一位男士好輕鬆咁話：「都無乜點排隊！」李家超笑住話：「希望你哋可以早啲達成心願！」
此外，保安局局長鄧炳強同行政長官視察完落馬洲口岸之後，馬不停蹄再到深圳灣口岸探訪，話感受到市民可以過關同家人團聚嘅興奮，「同事們連日嘅辛苦都係值得嘅！」
Kelly Chu
■鄧炳強一早親自到落馬洲支線口岸，為口岸人員打氣。
■李家超了解清關過程時，主動擁抱一隻叫Bailey嘅海關搜查犬。
回應 (0)
我要發表