KellyChu - 龍友湧現流水響「疊羅漢」式影紅葉｜Executive日記

2023/01/10 03:11:52 網誌分類: 生活

10 Jan

粉嶺流水響水塘近月紅葉盛放，一片醉人景色，吸引大批拍友帶住「長槍短炮」去影幾輯靚相。但點知一堆拍友企係一個拍攝靚位，一時間出現紅葉中「疊羅漢」嘅奇景，畀人拍低擺咗上網，有網友就笑住話：真係「多人過旺角」。Kelly就覺得，其實咁企都幾危險，影紅葉固然重要，但大家都要注意安全！

拍友「疊羅漢」影紅葉呢幕，由於都係一道亮麗風景線，畀現場嘅市民拍低擺咗上網。有網民就揶揄話：「車水馬龍，人聲鼎沸」、「多人過旺角」、「搞到好似成個新聞發佈;月會咁」；不過，亦有人擔心：「上面一跣腳就打保齡」、「逼到咁！小心差錯腳跌落水」。

有拍友解釋，流水響水塘邊得嗰個位影到落羽松，而今年拍友特別多，結果就出現咗「疊羅漢」嘅奇景。佢又話，自己之前朝早六點十五分已到場，本來諗住避開人流，影到晨霧中嘅落羽松，點知九點半就嚟咗三隊旅行團。
Kelly Chu