16~26/1 港股~尋頂市每周有新高

2023/01/13 22:40:44 網誌分類: 經濟
13 Jan

港股兔年繼續尋頂屠熊之旅, 22600~22700肥熊命危

26/1 恆指收22566, 大升522點,連升2天

港股牛氣沖天,連續兩日急升, 一如所料輕易上破22500, 今日更以收市競價U盤全日最高位收市,大鱷博大霧踢高,部署明日 繼續屠熊, 今日QQ、比亞迪、吉利、美團等熱炒股都有莊家入場掃貨,進一步推高大市

已經講咗無數次港股牛市, 不可吉倉, 沽貨止賺後要搵嘢買, 冇心水股就入A股及港股正向ETF, 上周四五我走了美股淡倉, 換入美股及A股好倉, 個股走貨就換入屋仔股, 今日全面急升有得執,不過升穿22500做好就要快閃,因為恆指月波幅 已超標, 港股隨時會見頂回落,下星期轉節氣立春係高危週

由於A股ETF今日趁內地休市偷步爆升, 唔知下周一A股復市表現如何, 估計明日短炒股民會走貨,我亦會減磅,恆指向上阻力 22800-23000 (肥熊區), 今日遺留上升裂口 22051-22329 是後患

大市嚴重超買, 明日會有周末獲利沽壓效應, 按照慣性走勢,未來3日恆指不會全升,因為恆指今個月跌市日數未達標

假如大鱷想趁大媽不在時踢高港股,今明兩天都收升的話,可能要拖到下周(31/1-1/2)聯儲局議息前才回吐,市強只會即市調整或小幅收跌, 如大跌超過200點就係見短頂訊號

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

港股苦(虎)盡甘(金)來, 兔年繼續尋頂屠熊之旅

20/1 周五恆指收22044, 大升393點

肥熊22050~22600 命危

本周5天淨計恆指收市U盤踢高147點,近來不斷有資金入市博兔年開局港股紅盤,內地休市大鱷更容易操控港股,牛市做淡過夜好蝕底,近來恆指收市U盤多數見掃貨盤湧現, 大大力踢高, 有何目的? 你懂的!

由去年11月起,恆指的升浪都係急升一段,高台整固,再急升一段,以梯級式 破頂而上,2022下半年高位已全數衝破,下一站係去年4月高位22523, 6月高位22449, 一直都話港股去年股災點跌落嚟就點上返去,炒復常可以升到你唔信

AI 分析 21000~22000 阻力大過 22000~23000, 只要升得穿22000關鍵位, 上破22500冇乜難度, 劍指23000, 只係看大鱷想1月尾抑或拖到2月才上23000

計埋今個星期,美股基金已是連續9周出現淨流出, 上周早已唱淡美股會反艇,果然連日下挫,呢兩日美股淡倉全面食胡因為美股跌勢過急, 港股農曆春節休市時美股反彈機會大,因為美企公布業績後可重啟回購,加上有資金趁低吸納美股,美國十年期債息走低,近日在3.5%穿梭, 利好科企

26-27/1港股農曆新年長假期後復市, 但內地仍休市,冇咗內地股市制肘,港股自由行

2月6日起將陸續有內地旅行團來港,加上自由行,相信來港旅客將逐步增加, 相關股份必定會受惠

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

港股先震倉下殺牛牛,再上攻屠熊

19/1 周四恆指收21651, 跌27點

QQ破頂而上、港股有望跟隨

今日恆指低見21383創本周新低, 向下擴大了周波幅即彈,低位見買盤湧現博後市會破頂,因為恆指周波幅仍未達標,所以明日或下周復市就要上破22000來擴大周及月波幅

今次升浪恆指係一路畀不斷上移的10天線拉上山,所以無論本周點震,最終都係要上山,好友想拋離10天線來預留回調空間,月尾(20號或之後) 係創新高的時間窗口

政府進一步放寬防疫措施,提振市場信心,好友仍主導大市,港股大漲小回,恆指連續兩日急跌急彈收陽燭,為5/1以來首度連續兩日呈陽燭,預示好友正部署反擊,上攻前頂21947, 挑戰22000-22200

恆指連續三日插穿21500都能收於其上, 咬住高台,以時間來消化沽壓,代替深度調整,10天線正不斷上移,今日收21651,  好友擺明想守住10天線(21571),向上阻力22000 唔攔得幾耐,近日弱勢大落後的科企回吐時見趁低吸納盤

港股溫度計港交所今日不但冇跟隨大市創新低,更倒升收陽燭, 港交所完成調整,預示港股試完底就會再衝頂

QQ 本周收陽收升已無懸念,今日強勢破位而上創新高,具啟示作用,代表本周港股有望收陽收升,連宇宙最弱雞日日跌的美團插穿$160都抝腰上,收窄跌幅,有資金撈貨博反彈

~~~~~~~

中港股市同步先低後高

阿爺好,港股好,上證於16/1高見3251後回落, 外資繼續積極掃入A股,今日低見3210完成調整重拾升軌,升到嘭嘭聲,港股亦同步觸底抝腰上,上證向上突破,升16點,收3240, 以全日最高位收, 表現亮麗, 只要上證升穿前頂3251,港股好友就有藉口殺上去, 因為中港股市通常係同步試底及破頂

港股近日跟隨上證回吐,回調整固,消化沽壓,儲力向上, 明日係虎年最後一個交易日,要畫周線,好淡角力關鍵位 21738 / 21818,只要收於其上,本周收陽收升,好友大勝

昨晚美股暴跌,道指急插613點收33297, 不但港股冇跟住插水,連亞太區股市都企定定,美元走弱失守102.5, 利好新興市場

牛市候低買上易賺,做淡係逆勢操作,只能偷雞快閃,本周恆指磨咗4日就完成調整,今次港股的大升浪係階梯式上山,急升一段,窄幅回吐,再急升一段,再回調整固,再上,不斷反覆破頂而上

{#icono_72}{#icono_72}{#icono_72}{#icono_72}{#icono_72}{#icono_72}

恆指21500穿梭,好淡通殺

18/1 周三恆指收21678, 升100點

港股先低後高,單日轉向倒升,近來港股每次下試10天線都彈,見QQ一插即彈就知港股死不了, 其實大鱷可以玩21500穿梭, 好淡通殺 ,窄幅上落,散戶炒方向牛熊好易左一巴、右一巴,短炒可高沽低買,中長線倉就坐定定等上22500-23000

今個月恆指跌市日數仍未達標,測試指標出現多個利淡訊號,可能明日要補跌, 科指弱勢會拉住港股落山

QQ 強到不得了,利好港股,不過已經升抵阻力大位,今日大鱷推高QQ來掩護派貨,唔少指標股都逆市下跌,但QQ有資金追入,加上回購,撐住大市

港匯進一步走弱, 曾見7.8284, 熱錢加速流走,怪不得港股呆下呆下, 恆指已是連續兩日頂部下移,但仍咬住高台,向好勢頭未變,今個月係好倉底,有好友力撐大市,踢上21600樓上收,已預留回調空間,想守住10天線再上攻

以周波幅計, 2月下旬 21400-22000 會爆邊,有資金博兔年紅盤,趁回吐入貨, 但長假期前買意不算強, 獲利沽壓增加, 大鱷踢高派貨, 莊家連日食胡走貨,但莊家仍重倉港股,所以唔畀大插, 大鱷沽貨愈沽愈升,莊家貨多未走哂,預示後市有望上破22000

近日連散戶淡友都投降變好友, 就代表大鱷已成功營造向好氣氛引股民入市接火棒, 幫手推高大市,21400附近貼價牛愈養愈肥, 美股亦畀元帥唱淡拉咗落山

{#icono_71}{#icono_72}{#icono_71}{#icono_72}{#icono_71}{#icono_72}{#icono_71}

港股底頂下移, 部署屠牛

17/1 周二恆指收21577, 跌169點,結束四連升

大鱷輪流推高個別權重股來撐住指數派貨,騰訊獲批遊戲版號見買盤追入, QQ阿里逆市上升,皆因莊家重倉所以一插即彈,踢高走貨

期指未平倉合約大減, 可能有好友食胡, 所以今日港股走弱,一度插到落10天線, 幸好老外繼續大手掃入A股,推動中港股市收窄跌幅

近來恆指通常跌1~2天就會反彈,配股潮下,大行亦有誘因托住大市,近來收市U盤多數踢高來做市, 反映港股一直由好友主導大市

國指已連跌兩天(近來未做過三連跌), 按照慣性走勢明天應該會反彈,因為港股下行壓力仍大,不進則退,以周波幅計,1月下旬如未能上破22000, 就要插穿21400, 要睇住上證,只要上證上企3250, 港股就可向上突破

今日港股一如所料作出調整,人民幣兩日大跌, 今日收跌371點子, 報6.7652, 港匯急速轉弱見7.8228,熱錢流走,要不是有大媽托市,港股跌幅會更大,本周四(19/1)起滬深股通關閉

美股進入業績期勢必大幅波動,按照慣性走勢,今晚道指可能會大跌插穿34000水平,美股轉弱利淡港股

{#icono_71}{#icono_72}{#icono_71}{#icono_72}{#icono_71}{#icono_72}{#icono_71}

股衝高回落, 高位沽壓加劇

16/1 周一恆指收21746, 升8點, 連升四天

今日恆指國指齊齊破頂創新高, 但科指卻乏力再衝, 先高後低, 單日轉向, 倒跌收場, 測市指標出現大量利淡訊號,月中係回調時間窗口,今日出世21400-21600牛牛命危

由4/1起 vhsi 恆指恐慌指數日日跌, 港股就升個不停, 但今日 vhsi 卻收升, 預示港股明日要落山

今日恆指高見21947, 唔少短炒好友於22000附近食胡,拖低大市,明知22000 係淡友最後防線,必定會攔路,短炒做好梗係食胡啦!短線等插穿21400再入貨

自從5/1上破21000以來,只係兩天收陽燭,收陰燭高達6天,所以日前已說港股向上動力已轉弱, 夾硬踢上去是為了挾淡、擴大周及月波幅, 推高派貨及高位開淡倉沽空

今日低見21572即彈,扮跌唔落引好友入局,大量牛牛蜂湧入市,最終收21746之上其實係畀21400-21600 牛牛出世, 要買定官才,明日死得

大鱷又玩推高來配股,藥明生物主要股東擬配售5600萬股, 套近$40億,配股抽水潮不斷,利淡市場氣氛

港股中線仍向好,但短線利淡,好友要睇路,資金流有變,美元低見101.7704後反彈,人民幣結束兩連升,收6.7281, 跌182點子,利淡中港股市

1月上旬恆指7升2跌,跌市日數遠遠未達標,明日要補跌

~~~~~~~~~~~~~~~~~~~

港股牛市

元帥唱牛市講咗一個多月都冇乜人信, 下面呢個故事已解釋了為何新年一開局三扒兩撥 就輕易上破250天線及250個月線,頭也不回, 淡友明白未?

去年9-10月 港股出現股災, 主要係外資看淡中國經濟前景及政局,所以狂沽中港股市撤資,當時主力由中資大媽趁低吸納

11-12月港股重拾升軌,見阿爺放水及救內房,個別外資開始重新入市,由於對阿爺仍有戒心,半信半疑,入貨唔算積極,基金輕倉

到12月尾傳出 8/1/2023 通關,以及中港放寬防疫措施,吸引基金及炒家重投中港股市

踏入2023年,資金見通關就炒埋中國經濟增長,港股3/1新年一開局外資就大舉掃入中港股票,密密吸貨

貨少的外資及基金唔夠貨,見回調就積極掃貨,所以過去兩周中港股市往往一插即彈跌唔落 ,而中資大媽由於持有大量股災平貨,就乘機派貨

有基金經理睇倉位 發現今次竟然係中資派貨畀外資,呢個現象極為罕有

最新回應

試下學下
試下學下 2023/02/06
@美味雞煲...

//尋底市我 5 急入貨🤣🤣 美股我要入 Tesla //

我賺左一半🤣🤣🤣你係咪幫我接貨。直接過戶比你。枱底交收省洗費🤣🤣🤣

c6
c6 2023/02/06
@美味雞煲...

實在感動😹

🙇‍♀️多謝晒煲煲🙇‍♀️

c6
c6 2023/02/06

新屋🏠咁正

大元帥一定很忙

感謝🙏大元帥為我們搬屋😚

感謝🙏港股繼續尋底屠牛之旅👏

🙇‍♀️C6勁勁勁喜愛大元帥搬屋玄機🙇‍♀️

美味雞煲
美味雞煲 2023/02/06
@c6...

C6 ...... 煲煲愛大家

門師兄,有同感,分注入....B仔🤣🤣 9626 同1024 🤭😄😆