關志康 - 債仔避你未必壞事｜神耆商機
2023/01/16 03:13:03 網誌分類: 經濟
社會運動之後，多了長者跟家人移居英國湊孫。同時，疫情亦提高了長者的死亡率，債仔音訊全無，原來早已移居了「天國」。
加上通關後，好多人出國旅行、探親，一住就住幾個月。幾年沒出遠門，外出處理下海外或內地事務，打點下些生意、物業。種種原因下，約朋友也不容易，何況追債？
長者老闆的生活通常都有規律，去公園定時，去飲茶定時，很少神出鬼沒。年近歲晚，債主臨門機會不高，因為大家都忙。債仔心虛，要避開債主一點也不難。平時一齊打麻將，最近突然消失；經常出沒的桑拿、馬會、餐廳都杳如黃鶴 。
有個有錢長者很豁達，他解釋：債仔刻意避開你，其實是好事，代表其實他有愧，心裏面起碼承認這條數，覺得知醜，怕了你。債仔不聽你電話，即是忌住你。
反之，有錢長者最怕大模廝樣、聲大夾惡的債仔。這種人面皮厚，照舊一齊出席飯局。結果，他不尷尬，尷尬的就是你。對於欠債絕口不提，甚至否定。你再追就自己口臭，而且也掃了其他朋友興。你見到眼中釘當眾口沫橫飛，言笑晏晏，再想起當日他借錢時信誓旦旦，長者自己更加氣頂。
健康教育基金會主席
關志康
關志康 - 債仔避你未必壞事｜神耆商機
回應 (0)
我要發表