Cally - 美心集團派發12,000份「黃金」蛋卷感謝醫護人員辛勤付出並慰問檢疫人士｜商界講呢啲

2023/01/28 03:13:18 網誌分類: 生活

28 Jan

疫情似乎到咗尾聲，回顧三年幾以嚟嘅日子，最辛苦嘅一定係醫護人員，佢哋守喺最前線保護大家嘅生命。因此美心集團就趁住年初一特別去到醫管局職員飯堂同埋社區隔離設施，向醫護人員同檢疫人士派發12,000份「黃金」蛋卷，希望大家都有一個開心嘅兔年。

不過唔講唔知，原來呢款「黃金」蛋卷一啲都唔簡單，原來曾經獲頒發「2022年世界品質評鑑大會金獎」，係用法國牛油、新鮮雞蛋同優質麵粉等上乘食材整㗎，聽講蛋香同牛油味濃郁，搞到我都想食添。

美心集團首席營運官（香港及澳門）蕭德威就提到舊年美心集團透過各項活動分享食物，有接近50萬人受惠，寄望今年香港會有一個更美好嘅經濟環境，佢哋亦會繼續將美食分享畀有需要人士，傳承「美心美膳．滋味人生」嘅理念咁話。
Cally