立春周港股轉勢向下

1/2 周三恆指收22072, 升229點

立春周港股轉勢向下

聯儲局議息揭盅前夕，短炒淡友避險回補空倉， 亦有空軍推上去加沽，推動大市向上，港股收復昨日失地，科企領漲，但金融股逆市下跌，市升莊家走貨，唔係好現象

連續3日港股成交增加至$1500-$2000億，30~31/1急瀉兩天成交特別大，洗倉格，本周已打破尋頂市每周創新高的慣性走勢，果然係立春周轉勢向下，莊家托沽，散水味濃

上周港股嚴重超買，加上恆指1月波幅超標，1月尾好友就縮手，本周一二（30-31/1）港股急挫釋放了沽壓，超買不再，今日港股借勢急彈重上10天線, 是否吻別10天線再插就要看大媽會否再狂沽QQ 建行 港交所，QQ今日仍未能收復10天線，沽壓未除

～～～～～～～

港股沽空急增是後患，2月高危

今次港股大插，除了要舒緩超買以及下殺肥牛外，亦係因為要壓低大市畀22200樓上熊仔出世，早市一度急跌低見21703後急彈， 熊熊飛撲入市, 不過21650樓下仍有重倉牛拉住港股後腿，如果本周恆指收跌，未來兩日就不應上22600

1月份多次強調恆指跌市日數未達標， 1月最後兩天急跌，就係要補跌，追回跌市日數， 由於1月份恆指跌市日數 只係勉強達標， 可能2月份跌市日數會增加

由於今次升浪港股累積龐大沽空，今日沽空更增至20%， 係計時炸彈， 估計 2月份仍會有大插插，彈完就要再落山，明日 21800～22000 BB牛將會出世

市底強通常由高位回吐600-1000點就會反彈, 今次跌了1069點就彈， 符合慣性走勢，反彈阻力22400-22600， 如未能上破，就要再插穿21800，甚至21500, 1月掃貨月，2月走貨月， 大鱷殺完淡友殺好友

港股短短3個月累積龐大升幅，恆指由低位14597反彈至今日高位22700, 升幅高達8103點， 見頂回落，跌幅可以好驚人

～～～～～～～

股匯債變天

1月份美企陸續公佈業績，憧憬企業回購， 加上聯儲局減慢加息步伐 ，美科企受追捧，美股強勢尋頂，不過美企業績期勢必大幅波動，近來港科指跑贏恆指國指，皆因納指跑贏道指

一個月前已預告小心農曆新年後股匯債變天，港匯弱雞持續走資，曾見7.8434, 熱錢流走

美元下跌，人民幣反彈161點子收6.741, 上證低見3245後急彈，收3285, 升29點，3250大位失而復得， 港股亦跟隨上證止跌回升， 加上 過去兩日狂沽QQ的滬大媽今日變臉掃入QQ， 推動港股急升，恆指重上22000

市傳明日 特首會宣佈免核酸檢測通關的利好消息，提振市場信心， 雖然港股莊家 繼續出貨， 但短炒買盤 進場掃貨博反彈， 要留意的是，當莊家及大媽沽貨力度加劇，港股就會再反艇，21500就危