古星輝 - AI降臨你Chat咗未？｜乜都5G
2023/02/10 03:14:17 網誌分類: 經濟
ChatGPT之前對我哋有啲離身，皆因香港用戶要經VPN及外國電話號碼方可登記。由著名問答網站開發嘅Poe app呢幾日開放註冊，香港嘅用戶終於可以試玩，而Poe入面內置咗3個AI聊天機械人，其中兩個都係用上同ChatGPT相同嘅AI技術，另一個就係用咗Google最近入股嘅Anthropic AI技術，留意3個機械人都只會知道2021年前嘅資料。
2035年全面發揮5G結合AI潛力
日前初步試用過Poe，發覺佢嘅寫作功能的確幾有趣，文筆亦算流暢，惟資料準確但未算太豐富，畢竟寫作需要經過多重思考及資料整理，而AI聊天機械人只是起步階段，需透過大數據收集及學習才會慢慢成熟，大家唔能夠過份倚賴。
平日出席活動經常以ABCDE去介紹5G，當中嘅A正正就是AI。5G喺AI嘅發展擔當重要角色，市場研究機構ABI估計，5G結合AI嘅潛力將於2035年全面發揮，預期屆時全球相關行業生產率提高5.8%（約11.4萬億美元），工業製造業、汽車運輸業以及零售批發行業，將會係受惠最大嘅三個主要市場，其餘好似醫療保健、媒體娛樂、農業、政府事務、金融服務及建築能源行業生產率都會有所提升。
ChatGPT同Poe嘅出現，令各位注意到AI慢慢開始融入我哋生活，未來十幾年可能會協助我哋處理大小工作，有網民認為呢類AI聊天機械人，可以喺客戶服務及編程方面大派用場，不如大家周末又試吓Poe，睇睇有冇新發現。
和記電訊香港行政總裁
古星輝
■由人工智能撰寫5G與AI嘅關係，大家認為效果如何？
回應 (0)
我要發表