古星輝 - 5G賦能倉儲超市管理｜乜都5G

年近歲晚，很多人北上辦年貨，特別係最近內地有新嘅倉儲式超市開幕，瘋搶貨品嘅情況更墟冚。呢股熱潮，正好用以闡述5G喺賦能倉庫管理及促進零售業數碼化嘅強勁優勢。

倉儲式超市最大特點係「大」，面積廣闊，貨架高疊，喺呢種環境下，用Wi-Fi難免有時會有盲點。5G滲透力強，即使於偌大嘅超市、貨倉，以至倉儲式商場，都能提供高速可靠嘅連接。對於同時喺室內採用各式各樣嘅5G方案，例如機械臂、物流機械人、電動手推車等，5G都可以提供重要可靠嘅基礎建設。此外，5G覆蓋範圍大，兼顧室內外流動通訊，更能方便業務管理，例如與司機溝通、送貨收貨及追蹤貨品等。

倉儲式超市嘅另一特色為「多」，包括人多、貨多、手推車亦多。採用高速、低時延嘅5G，可以透過準確嘅大數據分析方案，覤準客戶嘅興趣、年紀、消費習慣等，提供針對式廣告及制定更貼合消費者嘅營銷策略。

倉儲式超市之所以吸引，係因為係貨品平靚多，所以做好庫存管理係數碼化嘅首步。5G能連接海量裝置，做到萬物互連，用以打造5G物聯網，有助以電子記錄貨品出入及銷售情況，做到實時點貨、提貨；超巿貨品資料一目了然，營運效率更高。配合自動化技術，例如應用自動導航車AGV，再加上AI和區塊鏈等技術嘅應用，商戶將能更有效監測「人流」和「物流」。

我哋作為新一代嘅數碼營辦商，除了照顧大眾市場嘅需求外，亦以推動各行各業數碼轉型為己任。5G能促進經濟增長，有數據就預期喺2030年，5G升級每年可為全球經濟貢獻超過6000億美元，當中零售業係最能受惠於5G嘅行業之一。我哋就好似廚師發辦（omakase）一樣，全力為唔同行業度身提供最合時宜嘅5G方案，以促進業務發展。今時今日有5G流動寬頻，毋須拉線就可以用到5G。企業不論規模大小，大至倉儲式超市，細至中小微企，一樣係5G同我哋電訊商嘅舞台。

聽日係甲辰龍年大年初一，筆者預祝大家龍馬精神，心想事成！

和記電訊香港行政總裁

古星輝