17~28/2 港股嚴重超賣靜候反彈

恆指連跌6日, 嚴重超賣靜候技術性反彈

28/2 周二恆指收19786, 跌157點

恆指連跌6日，嚴重超賣等技術性反彈，雖然港股連日下跌，不過轉月通常會有異動，可能會變盤, 今日沽空縮減，連淡友都認為港股即將會彈，所以忍手暫時唔大手沽

上證收3279, 升21點，近全日最高位收，結束四連跌，連跌斷纜利好，上證3250失而復得，有助穩住港股

睇盤路今日港股會彈高，最終卻推到近全月最低位收，假如今日港股由升轉跌係受Msci 季檢所拖累，明日就要作出修正，跌過龍的股份就要補漲，熊仔已下移至20300水平，有上攻誘因, 匯豐恆生會有好息之徒入貨

按照慣性走勢，連跌日數愈長，超賣大反彈借勢挾淡機會愈大，大升前必有一震，引人做淡，趕走牛牛才抽升

史哥 : 留意～三月關鍵位為 20275

恆指洗倉式下跌, 連跌5日，大舉屠牛

27/2 周一恆指收19943, 跌66點

港股繼續創新低，失守250天線，成也QQ，敗也QQ，以周波幅計，後市QQ一係升穿$360, 一係插穿$340，不過今日大媽大舉掃入QQ撐市，港股收窄跌幅

做淡港股今日已食胡，因為連跌日數愈長，嚴重超賣，技術性反彈機會越大, 恆指已連跌四周，回調時間已足夠，今日連美股淡倉都食埋

莊家繼續沽出港股，而近來老外日日沽出A股，今早先推高A股，然後就掟貨，不過上證咬住3250, 收3258, 僅跌9點，托住港股，大市嚴重超賣，好友咬住19800力撐結算價

3月份匯控恆生等多隻大藍籌股除淨，會拖累期指大低水

Al 顯示明日是異動日, 港股今日死唔去可能係因為

1) 短炒淡友食胡，回補空倉窒礙了港股下跌步伐

2) 托住結算

3) 空軍推高再沽，今日沽空高達19.47%（$218.93億）

4) 推高派貨

5) 養牛熊, 牛在19800之下，熊在20400之上

6) 美期彈高高

7) 恆指插埋今日呢棍，月波幅擴大至2507點，已進入達標範圍，冇必要今個月見193xx

8) 明日畫月線，大鱷亦要部署1/3 競價開市位

9) 大媽連續兩日大手掃入港股, 預示後市會有大反彈

10) 3月一係重上20500, 一係向19600.19300進發，不過19600係關鍵大位，好友及大媽一直咬住唔放

11) 港府即將公布3月1日撤消口罩令, 復常概念利好市場氣氛

恆指連跌4天，繼續尋底屠牛之旅

24/2 周五恆指收20010, 跌341點

恐慌性拋售、洗倉式大跌

股匯債變天, 美元及美國十年期債息彈高高，金價、人民幣及港匯走低, 美國十年期債息上企3.9%水平後高企不下， 對科企構成沉重壓力， 資金持續流出港股，港股淡友乘機殺跌，不過下周再插就會嚴重超賣

1月熱錢流入港股，推動 港股向上，2月資金加速流走，推低港股，點升上嚟就點跌返落去，30/12恆指收19781, 1月低位19303, 上升是為了下跌鋪路

人民幣午後急挫，在岸價(CNY)及離岸價(CNH)均創去年12月底以來最低, 人民幣兌美元在岸價收報6.9442，大跌524點子, 港股繼續尋底冇眼睇，要向19800.19600.19300進發，肥牛命危，下周一(27/2）期指結算，要看好友會否托住19600關鍵位之上來結算，今日大媽大手掃貨托市，可能係博下周技術性反彈

23/2 周四恆指收20351, 跌72點

今日恆指收跌, 國指科指收升, 港股收市表面上升跌幅度不大，但其實唔少股份都破位而下，走勢差劣，收市U盤港股走低， 大戶沽貨走得好急， 港股今日死貓彈完繼續尋底冇眼睇，本周要向20000進發, 肥牛命危

看淡本周港股會續瀉係因為QQ一直托住$370來派貨，但周二卻收於其下，代表港股要畀QQ拉落地獄

22/2 周三恆指收20423, 跌105點

洗倉撤退

淡友繼續控制大局，港股續創新低，敗象已呈，莊家繼續沽貨撤退，不過恆指下試60天線後收窄跌幅，落到大位有死貓彈可能係短炒淡友食胡平空倉，當然亦係全靠匯控業績後急升挾淡撐住大市，不過國指已失守60及250天線，拖累市況，後市恆指港股如失守60天線，就要向250天線/20000進發

上證於3300穿梭，走勢比恆指強，所以港股仍能於20500穿梭，後日是期指結算前夕，未來兩日好淡通殺機會大，今日20700熊仔出世, 牛在20300之下，如要擴大周及月波幅，就要下殺

到今日為止本周恆指 1升2跌，1月下旬起恆指每周升1-2天，所以做淡港美股市今日食胡，等彈上去再沽過，人民幣弱雞連續兩日大跌，老外沽出A股走鬼，拖低中港股市

~~~~~~~~~~~~~~~~~~~

莊家沽貨撤退

港股破位而下，續創新低

21/2 周二恆指收20529, 大跌357點

成也QQ、敗也QQ

日前曾說按照大鱷的習性，港股唔會單邊向下，直落20000水平益淡友，昨日果然爆上20973（一度升254點），震熊引牛，QQ及指數好友入局，中伏了，港股今日即插，明日勢必隊穿今日低位20503 來擴大周及月波幅，不過匯控業績勝預期見資金吸納，恆指60天線在20400附近，跌至呢個水平或會有短炒淡友食胡回補空倉

恆指仍然受只能升1日的魔咒拖累，昨日死貓彈完，今日繼續尋底屠牛之旅，後市要創新低後出現連升才能穩住大局，內地股市近日表現勝港股，皆因老外趁內地股市大跌就大手掃入A股

匯債形勢不妙，美元反彈重上104水平，美債息持續上升, 人民幣下跌， 港匯轉弱， 大媽大手沽出QQ，QQ 失守$370水平 跌勢轉急，港股亦同步破位而下創月內新低， QQ未見底，港股亦未見底

20/2 周一恆指收20887, 升167點

暗湧處處牛命危

港股雖然上升，但莊家及大媽繼續走貨 ，臨危托沽，恆指周波幅未達標，如受制於21000, 就要插穿20500來擴大周波幅

美元回軟，港匯突然轉強，人民幣急彈，結束三連跌，老外大手掃入A股，推動內地股市急升，上證近全日最高位收3290, 大升66點，但美債變天，不利金融市場

港股低開高收，單日轉向，恆指創月內新低20606秒殺肥牛後抝腰急彈，重上50天線，不過中港股市齊齊去到阻力位，下殺危機未除

總統日假期今晚美股休市，本周業績期，港股風雲變色，明日匯控公佈業績，禍福難料，做好做淡都要小心， 近日大鱷玩緊好淡通殺, 新一份《財政預算案》周三(22/2) 發表，月尾Msci更換成份股

17/2 周五恆指收20719, 跌268點

50天線穿梭

莊家及大媽重倉港股走緊貨，想托沽靚價派貨，正路唔會玩直落20000水平益淡友以及賤價出貨，50天線在20741, 好淡打交位 20400-20700，要看爆哪一邊

今日低見20703, 尋底市每周都會有新低，預示下星期會跌穿本周低位20703， 下周一(20/2)美國總統日假期休市，港股自由行，會有大龍鳳

下星期港股不會單邊向下，多數會好淡通殺，因為已跌近20500好淡角力關鍵位，下周亦是業績期, 多隻重磅藍籌包括匯控、恒生、阿里、網易、新地、新世界，銀娛、百度、港交所等公布業績， 相關股份必定會大幅波動

大量牛牛飛撲入市，聚集於20600-20700, 21100熊今日出世，兩邊都具吸引力, 唔少股份都超賣，會有技術性反彈