曾智華 - 照片勝千言｜祿祿無窮
2023/02/23 03:15:18 網誌分類: 生活
人的感官，無論眼耳口鼻，皆直入神經系統，感覺非常直接，間中，真的非筆墨所能形容，當然，世情也如是。
今日想講的，正是看到兩張新聞圖片，毋須讀文字，已有深刻感受。
第一張是俄烏開戰一周年，拜登突然閃電訪問基輔，向澤連斯基打氣（你繼續拼命打代理人戰爭啦，我哋會無限量支持㗎，不過就唔會出兵嘞，執生啦）。
兩人見面，大量海外通訊社記者鏡頭「隊」住，當然要扮信心十足，英明神武。不過，法新社記者最堅，今勻贏晒，因電光火石一刻，捕捉到一幅拜登與澤連斯基像在哭泣互擁的相片，看似心力交瘁，壓力狂大，陷入極度痛苦之中（見圖）。
結果，呢幅相發佈全球，蓋過所有兩人其他照片，產生的負面感覺，相當嚴重。
反之，翌日俄羅斯總統普京也趁開戰一周年向國會發表國情咨文。睇佢步出場那種信心爆棚姿態，恍似打咗幾支腎上腺素，雙目炯炯生光，打得又嚇得，照片見報，完勝拜登與澤連斯基。
小弟對普京絕冇好感，只想指出，政客真係分分鐘要有Camera Consciousness！
曾智華
回應 (0)
我要發表