1~9/3 港股好友莊家沽貨撤退

恆指連跌三天，繼續尋底屠牛之旅

9/3 周四恆指收19925, 跌125點

今日港股跌幅唔算大，不過唔少股份都有洗倉味 ， 整體下跌股份比例非常高，臨危托沽格

科指連跌四日，創今年最長連跌浪， 好友莊家繼續沽貨撤退, 指標股QQ低見$340.2, 不但創3月新低，更是兩個月新低，具啟示作用，預示港股要破底

上證及港股同步於7/3見頂，連美股亦齊齊見頂回落，轉勢向下， 老外由6/3起日日沽出A股，當天人民幣跌勢轉急，而7/3中港股市亦齊齊衝高回落，展開跌浪，由尋頂市轉尋底市

期指平倉淨數連日減少, 好友繼續食胡鬆人, 19400-19900貼價牛肥到不得了，死梗

8/3 周三恆指收20051, 大跌483點

港股繼續尋底冇眼睇，19400-20000貼價牛肥到不得了，要買定官才

港股衝高回落，秒殺肥熊即, 恆指21000得而復失

7/3 周二恆指收20534, 跌68點

成也QQ、敗也QQ

QQ率先失守10天線, 港股危矣!  要向20000.19500.19300進發，前底在19303 / 19783 / 19849, 今日恆指創新高21005 獲利沽盤湧現，高開低收，單日轉向呈陰燭, 連熱炒股中移莊家都沽貨散水

港股飛天遁地, 恆指 創今年第二大即市波幅647點，牛熊陣亡， 美元急升重上105, 人民幣連續兩日下跌，港股沽壓明顯增加, 連上証都反艇, 失守3300大位, 收3285, 大跌37點, 連跌兩日, 上證港股同步見頂回落

踏入3月份，恆指每日都在 20500穿梭 ，養肥牛熊，大市飛天遁地兩邊殺， 好友淡友左一巴，右一巴，好淡通殺

上周五及本周一恆指收升但成交縮，而今日收跌成交卻增加，派貨格，事實證明我哋看淡本周是對的, 星期一異動日港股理應轉勢向下, 不過大鱷陰險, 今日伸多一腳上去做頂殺淡屠熊才回落, 假升震走熊熊才插水

近日港股莊家頻頻掃貨推高即食掟貨，導致港股 跌下彈下，急升急回，牛熊 齊齊陣亡， 資金熱炒電訊及油股，抽走了其他股份的資金

美國十年期債息 高企不下，科企壓力特別大, 聯儲局主席鮑威爾今晚在國會聽證會發表言論, 好友避險, 踢高走貨, 期指平倉淨數連日減少, 可能係好友食胡鬆人

史哥 : 留意～三月關鍵位為 20275

6/3 周一恆指收20603, 升35點

20500 穿梭，好淡通殺

上星期恆指周線轉跌為升呈大陽燭，恆指連升兩日，亦打破了 今年恆指只升一日即回的魔咒，不過港股有暗湧，資金流入舊經濟股，科企有莊家暗暗滲貨出街，科指國指收跌, 淡友等上證見頂回落就有藉口反擊

今日係異動日，恆指收升代表好友仍咬住唔放，而科指國指收跌可能代表港股隨時會見頂回落, 大鱷托住大市來派貨，按照慣性走勢，當港股見頂，好友食胡就會大插

恒指向上關鍵阻力大位20800-21000，淡友攻擊目標: 20275 / 20400，資金流利淡, 人民幣及港匯齊齊走弱

大鱷托沽期間，港股似升非升，似跌非跌，令股民無所適從，大鱷目的就係要股民買牛熊，做好做淡都要輸

1月港股單邊向上殺淡友

2月港股單邊向下殺好友

3月上下亂飆，好淡通殺， 貼價牛熊命危，肥牛在20100-20400, 肥熊在20700-21100

今日轉節氣驚蟄，港股可能會轉勢向下, 大龍鳳未完，少做少錯, 今個星期港股表現會受恆指季檢，股份加減比重，以及加入/剔除股份所影響，好難捉路，小心操作

港股衝高回落呈陰燭，秒殺肥熊即回

3/3 周五恆指收20567, 升138點

本周好友反擊成功，港股結束周線四連跌，不過莊家推高走緊貨, 今日唔少股份都有派貨味，大鱷換碼，業績股或會大幅波動，港滙進一步轉弱，曾低見7.8502，不過上證踏入3月向上突破，企3300，拉住港股上山

下周一6/3異動日港股會有大龍鳳，禍福難料，不進則退，要看炒兩會的資金進或退

好友上攻阻力: 20600 ~ 20800

淡友攻擊目標: 20275 / 20400

港股回調整固，消化沽壓，儲力向上

2/3 周四恆指收20429, 跌190點

昨日港股以超大陽燭爆升，當天有莊家於19850附近一路向上買，今日港股回吐，但只係少少短炒一夜情的莊家食胡，大莊家仍持倉未食胡，預示港股未見頂

今個星期港股周線收升收陽已無懸念， 好友反擊，結束連跌四周的弱勢，向上阻力20600～20800，關鍵阻力大位 21000,  淡友連續兩日 加沽港股

今日大媽繼續大手掃貨，推動港股收窄跌幅呈陽燭，大媽掃入指數基金博破頂，要留意的是，只要大市閃上去，大媽持有的ETF就能沽貨獲利，大媽唔使理會收市是否倒跌或收窄升幅

以收市計，關鍵位20275, 20400，係淡友攻擊目標，周四收於其上，代表好友佔上風， 下星期一（6/3） 轉節氣驚蟄 異動日， 當天會有大龍鳳

按照慣性走勢，港股一棍飛天後多數會跌一跌，不會一棍到頂，回調消化沽壓後就會再上攻, 近日有資金入市炒兩會，上證踏入3月就站上3300大位，恆指亦同步重上20000水平

昨日港股爆升，但成交只得$1539億，我唔收貨，似係挾淡及踢高派貨，後市要向上突破才能吸引資金入場，要谷大20500水平的成交，打好根基才可破位而上

港股報復性反彈，大舉屠熊

1/3 周三恆指收20619，大升833點，結束六連跌

港股嚴重超賣技術性反彈, 3月開局由科技股(+6.6％) 帶動爆升, 人民幣連續兩日急升，加上今早內地公布多個PMI數據皆勝預期，資金湧入掃貨

上證向上突破，站上3300大位，高見3315 創逾7個月新高，收3312, 大升33點，連升2天

為加快老舊汽車淘汰更新，阿爺延續補貼政策鼓勵汽車消費，車股當堂生猛哂