港股好友反擊.力守19000

港股衝高回落，秒殺肥熊即回

24/3 周五恆指收19915, 跌134點

連升斷纜利淡

上證 低開低走，一跌到尾，淡友借勢反擊，港股衝高回落，恆指國指QQ齊齊收陰燭，結束三連升，連近日強勢的QQ都彈散，下周港股不進則退

今個星期港股周線雖然收升, 但升勢並不全面, 單靠QQ等科企推高大市, 升得唔健康, 似是挾淡以及掩護派貨，唔少指標股本周跑輸大市，皆錄得跌幅，唔係好現象

歐美壞消息頻傳，本周好友險勝，周線收升， 好友如能守住19800，代表後市有望挑戰20300，相反，如收市失守關鍵位19800或19600，代表淡友成功反擊

恆指由20/3 低位18829反彈至今日高位20118, 累計上升近1300點, 足夠水位畀好友轉身, 獲利盤湧現，QQ派美團今日貨到股民手, 美團隨即受壓，結束三日升勢

下周繼續迎來大量上市公司公布業績，不利市況，焦點轉向內銀股業績，下周期結以及基金季度結

港股飛天遁地皆因人民弊彈散，港匯亦轉弱，港股升跌還看資金流

24/3 今日港股收跌, 因為人民幣兌美元在岸價收報6.8655，跌366點子

23/3 昨日港股收升, 因為人民幣兌美元在岸價收報6.8289，升614點子

港股連升3天，大舉屠熊

23/3 周四恆指收20049, 大升458點

早已預告 今日係關鍵異動日 ，結果人民幣兌美元在岸價收報6.8289，大升614點子, 港股加速上升， 一舉收復多條重要平均線,  不過港股已連升三日, 自從1月尾見頂回落以來未做過四連升, 明日係回調高危日, 明日亦要畫周線，今日好友踢高已預留回調水位，部署明日收19800之上

趁港股連續三日急升，累積龐大升幅，滬深大媽齊齊沽出三隻港股ETF止賺,市場仍憂慮歐美銀行風暴

22/3 周三恆指收19591, 大升332點

恆指連續兩天大升，已打破了3月彈散的慣性走勢, 測市指標出現利好訊號, 大鱷的部署係3月收升，20/3恆指見底18829，由21/3起沽空連日縮減，代表空軍看漲，所以忍忍手

大升前必有一插， 人行降準，但20/3(周一) 恆指卻大跌518點低見18829創3月新低， 大鱷殺跌目的係逼死好友以及引淡友入局，震牛引熊，周二三連續兩日急升已收復所有失地，19800樓上級級有肥熊，有上攻誘因

今日高見19775, 按照大鱷的習性，冇理由唔上19800， 可能係等緊利好催化劑才出手，下周四期指結算，本周大鱷要開始部署了，本周五如能收19800之上，確認好友已奪回主導權

21/3 周二恆指收19258, 升258點

好友力守19000上攻19600

聯儲局議息以及QQ業績揭盅前有短炒淡友 食胡平空倉， 補倉盤推高大市，除此之外，買盤並不積極，港股成交縮減至$1024億，股民可能等QQ業績及聯儲局議息揭盅才出手，未來幾日都是大龍鳳的日子，好淡大鱷要分勝負，周四23/3是關鍵日

期指未平倉淨數明顯減少，沽空亦縮減，人行降準，人民幣及港匯走強，估計廢老鮑爺唔敢大幅加息0.5％, 亦唔敢停止加息，怕死的鮑爺只能加0.25％, 美元下跌，利好中港股市

近日老外掃入A股，大媽掃入港股，大媽連日吸納QQ，QQ率先收復10天線， 具啟示作用

上證重上3250，升 21點，收3255，歐美合力打救出事金融機構，亦舒緩了市場恐慌情緒，中美股市反覆回升，今日港股冇插穿昨日低位，測市指標出現利好訊號

今日轉節氣春分，係異動日，中港股市同步 轉勢向上 彈高高，大量熊熊飛撲入市，牛少熊多，有上攻誘因

恆指向上阻力19500-19900, 是多條平均線密集區，不過只要有極大利好消息就能突破關鍵大位19600挑戰19800水平

上星期港股周線收升，如本周續升，就扭轉了尋底市的弱勢，只要周五收19800之上就確認好友成功反擊

20/3 周一恆指收19000, 大跌518點

上證港股美股三地股市齊齊日升日跌陰陰落， 好淡通殺，明日轉節氣春分，預示有大變，係異動日, 今日恆指創月內新低18829, 大舉屠牛約三千張，壓低收順道俾19400-19600熊仔出世

以往港股大跌，國指多數跑輸恆指，不過今日國指卻跑贏恆指， 可能係因為瑞銀落實收購瑞信，美元跌穿103.5，人民幣走強，人行降準吸引資金 趁低吸納中資股 博反彈， 淡友要留意的是，今日國指及科指並沒有跟隨恆指創新低

港股受制於200天線，不進則退

17/3 周五恆指收19518, 升314點

日升日跌 陰陰落

每次外圍金融市場出事, 港股就會成為提款機, 其實過去兩個月港股一直見資金流出股市,就算流入亦只係短炒快閃, 莊家頻頻推高派貨, 加上大媽經常掃貨托沽，導致港股急跌急彈陰陰跌

下周焦點聯儲局議息會議， 大量企業將於下周公佈業績，恒地(21/3), QQ藥明生物潤電(22/3)，中移中國電力(23/3）, 美團太保中石化人保招行小米(24/3)，中芯(28/3）等, QQ派發美團下周24/3貨到散戶手，下星期港股勢必大幅波動

上證雖然收3250, 升23點，不過唔少板塊都跌到走樣，後市只要上證失守3250 關鍵位，淡友就有藉口出手殺跌

歐美金融機構陸續出事牽連甚廣，今日港股雖然反彈，但利淡消息這麼多，淡友仍佔優勢，沽空持續高企，QQ 弱雞，淡友仍未放手

今日指標股QQ衝高回落，收窄升幅，滬深大媽合力大手掃入QQ，但QQ仍要以全日最低位$339.4收， 表現遠差過大市， 反映沽壓沉重

港股收升但沽空明顯增加，淡友趁反彈加沽, 一如日前所說，15~16/3 夜期已失19100, 16/3 現貨低見19109, 雖然本周現貨仍未插穿19100，但往後通常會跟期指下破， 後市不容樂觀

今日港股 作出技術性反彈，好友推高逃命，今個星期港股周線收升，恆指全周升三天，打破了見頂回落以來每星期最多升1-2天的慣性走勢，不過仍未能打破大回小漲的劣勢

昨日出世的貼價BB熊陣亡，今日推高大市正好俾19200-19400貼價牛出世，本周大鱷吃了三口牛和三囗熊， 好淡通殺

踏入每月下旬，港股一係原有走勢加速，一係轉向，19109~19791等爆邊，如果市弱多數會係20號之後創月內新低

今日港股成交急增係因為富時羅素更換成份股， 收市後人行公佈降準0.25%

16/3  周四恆指收19204, 跌336點

利好利淡消息充斥市場，大鱷借勢玩跌下彈下，日升日跌，好淡通殺，19300好淡角力，好友力守19000, 大鱷壓低大市俾19400熊今日出世

技術上港股有反彈需求，踏入每月下旬，一係原有走勢加速，一係轉向，後日周五17/3美股四巫日必定會大幅波動，持倉要有兩手準備, 昨晚夜期已失19100, 現貨雖未穿，但通常會跟期指下破，不過唔知拖到幾時

淡友借矽谷銀行及瑞信 的利淡消息借勢殺跌，港股創月內新低見短炒淡友食胡手影, 截至今日為止，恆指及上證周線收跌，科指國指周線收升，打成平手，明日好友淡友還需努力

矽谷銀行及瑞信相繼出事，兩地央行齊齊出手打救， 美國大幅加息機會下降，紓緩市場恐慌情緒，不過普遍分析師認為歐美金融機構相繼出事，不應掉以輕心 

港股衝高回落，受制於200天線

15/3 周三恆指收19539，升292點

100天線 好淡角力

上證收升重上3250水平, 港股超賣借勢作出技術性反彈，但升市成交縮, 指標股QQ近全日低位收, 業績股友邦見光死

市弱連升難,  自從2月尾港股見頂回落以來, 資金流走, 港股每星期只升1-2天, 未做過升3天, 如今港股已升了兩天, 不進則退, 明日高危

矽谷銀行出事， 市場擔心會出現骨牌效應, 港股開市初段衝高隨即遇上龐大沽壓，大市收窄升幅， 托沽味濃

美元急升, 人民幣結束四連升，大跌265點子, 收6.8990,  但滬深大媽齊齊掃入QQ托市, 窒礙了港股下跌步伐

恆指連續4日在19500穿梭，好淡通殺， 大鱷扮守得住100天線引咗唔少好友入局, 淡友亦進場博破底，今日有貼價牛熊出世，牛19500 Vs 19700熊

港股沽空仍高企不下，預示港股下殺危機未除, 彈完就要向19000進發, 分析師普遍看今次跌浪要見18600

周五17/3是中美期結日, 未來兩日美國有大量衍生工具到期, 會有大龍鳳,  要做防風措施

14/3 周二恆指收19248, 大跌448點

19500 穿梭、好淡通殺

今日恆指及國指又創新低殺好友，逾千張肥牛陣亡，大鱷話只要好友死心止蝕斬倉就會彈，19122-19791等爆邊來擴大周波幅

白宮出手救銀行，大媽亦掃入QQ來撐市，跌至19122有淡友食胡， 唔少股份都插到超賣有技術性反彈需求 ，沽空亦略為縮減

美國 陸續有銀行出事，令 聯儲局 再大幅加息機會降低，美國十年期債息低走 ，美元急跌，人民幣急彈， 市場恐慌情緒舒緩，美期反彈

港股衝高回落，高位沽壓加劇

13/3 周一恆指收19696，升376點

矽谷銀行出事，美國 貼膠布企圖止血，美期急升，港股超賣借勢作出技術性反彈，惟市場信心不足，加上明日美國公布 CPI 通脹數據， 擔心銀行業火燒連環船，午後沽壓湧現，大市衝高回落，收窄升幅，全靠美元回落，人民幣急升，滬深大媽齊齊掃入QQ托市

港股沽空仍高企不下，預示港股下殺危機未除, 彈完就要向19000進發，匯控公布以象徵式1英鎊的價格, 收購 燙手山芋 矽谷銀行英國子公司(SVB UK), 市場反應負面，齊齊沽貨避險

恆指連跌四天大舉屠牛，超賣待彈

10/3 周五恆指收19320, 大跌605點

昨日已預告今日會有大龍鳳，終於插到超賣，今日下跌裂口19637 - 19907 /  6547 - 6645 有待回補

今次再預告，下星期一(13/3)係異動日，即係下周一二港股非生即死，要麼彈高高，要麼創新低，不會平靜，是禍是福要看美國會否迅速解決矽谷銀行倒閉事件

想大反彈係要先大插血洗肥牛，然後就會急彈, 今日大鱷屠牛逾4000張， 大鱷飽到上心口

今日恆指季檢更換成份股，收市U盤成交例牌急增， 下星期一（13/3）又會有大龍鳳