3月尾好友推高部署結算位

2023/03/21 22:37:52 網誌分類: 經濟
21 Mar

港股連升三日,部署上攻屠熊

30/3 周四恆指收20309, 升116點

港股仍然由好友主導大市,站穩多條平均線,秒殺貼價牛即彈,即市完成調整再上攻,部署明日於高位畫周線月線季線,挑戰20600~20800阻力區, 不過要留意的是, 今日恆指國指收陽燭, 但科指卻收陰燭, 大市有暗湧, 港股連續兩日沽空都超過$200億

按照慣性走勢,港股試完底就會再衝頂,要看大鱷想預留多少上升水位畀4月

今日人民幣結束四連跌,反彈102點子,推動上證及港股拗腰向上, 中港股市升跌還看資金流, 好友終於等到上證完成調整,結束四日跌勢,急彈21點收3261,重上3250

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

港股衝高回落,秒殺肥熊即回

29/3  周三恆指收20192, 大升407點

3月底期結/月結/季結

上周說睇盤路今個月係收升月, 而本周一大跌係震牛引熊, 趕走擋路蟹就升得, 結果由周二起港股就日日升, 並沒有跟隨上證走低

港匯弱雞,人民幣連跌4日,內地股市表現欠佳,但結算大過天,大鱷借阿里一拆六消息推恆指上20437, 成交亦急增至$1464億,好友大大力推高已預留回調水位,確保明日能咬住20000來結算

港股明日(30/3)結算前連升兩天,  今早大裂口高開後沽壓隨即湧現,但美期彈高,好友力守20100, 部署高位結算

按照升跌韻律的慣性走勢,未來兩日港股不會全升,如果受季結推動打披慣性走勢出現四連升,就要小心下周要回吐

大媽大手沽出 恆指 國指 科指三隻ETF 止賺,推高QQ後獲利掟貨,可能有基金經理粉飾櫥窗於高位走貨,淡友亦大手加沽,沽空金額急增至$256億,代表大市有暗湧,預示結算後4月會再起風雲

有結算因素,日前已提醒淡友小心大鱷會抽高挾淡,今早爆升屠殺19900-20500肥熊後,19700-20100牛今日出世,貼價牛命危,而肥熊在20450之上,亦有生命危險,小心大鱷好淡通殺

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

28/3 周二恆指收19784, 升217點

港股一如所料彈高,可惜成交並不配合升勢,乾升唔健康,有滬深大媽掃貨撐腰,好友咬住19800唔放,部署期結、畫月線及季線,指標股QQ觸底回升,推動恆指重上19600大位,代表後市會挑戰上周高位20118

肥熊下移至19900~20500, 肥牛在19200~19600, 美元失守103, 人民幣亦回穩, 但港匯弱雞,可能係大鱷推高港股派貨鬆人, 老外沽出A股,上證走弱,連跌3天,失守3250大位,收3245

本周玩了兩天,1升1跌,但兩日埋單錄得跌幅, 周初先跌,趕走蟹貨及好友,引淡友入局,反而有利大鱷挾淡,加上今個星期基金經理要埋季結,都唔想港股插水,可能推高走貨

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

27/3 周一恆指收19567, 大跌348點,連跌兩天

按照月尾恆指的慣性走勢 ,月尾6天不會單邊向下或向上,多數係好淡通殺,目前已跌了兩天,淡友要睇路,滬深大媽趁大跌齊齊掃入QQ

{#icono_66}{#icono_66}{#icono_66}{#icono_66}{#icono_66}{#icono_66}

港股衝高回落,秒殺肥熊即回

24/3 周五恆指收19915, 跌134點

連升斷纜利淡

上證 低開低走,一跌到尾,淡友借勢反擊,港股衝高回落,恆指國指QQ齊齊收陰燭,結束三連升,連近日強勢的QQ都彈散,下周港股不進則退

今個星期港股周線雖然收升, 但升勢並不全面, 單靠QQ等科企推高大市, 升得唔健康, 似是挾淡以及掩護派貨,唔少指標股本周跑輸大市,皆錄得跌幅,唔係好現象

歐美壞消息頻傳,本周好友險勝,周線收升, 好友如能守住19800,代表後市有望挑戰20300,相反,如收市失守關鍵位19800或19600,代表淡友成功反擊

恆指由20/3 低位18829反彈至今日高位20118, 累計上升近1300點, 足夠水位畀好友轉身, 獲利盤湧現,QQ派美團今日貨到股民手, 美團隨即受壓,結束三日升勢

下周繼續迎來大量上市公司公布業績,焦點轉向內銀股業績,下周期結以及基金季度結

港股飛天遁地皆因人民弊彈散,港匯亦轉弱,港股升跌還看資金流

24/3 今日港股收, 因為人民幣兌美元在岸價收報6.8655,跌366點子

23/3 昨日港股收, 因為人民幣兌美元在岸價收報6.8289,升614點子

{#icono_66}{#icono_66}{#icono_66}{#icono_66}{#icono_66}{#icono_66}

港股連升3天,大舉屠熊

23/3 周四恆指收20049, 大升458點

早已預告 今日係關鍵異動日 ,結果人民幣兌美元在岸價收報6.8289,升614點子, 港股加速上升, 一舉收復多條重要平均線,  不過港股已連升三日, 自從1月尾見頂回落以來未做過四連升, 明日係回調高危日, 明日亦要畫周線,今日好友踢高已預留回調水位,部署明日收19800之上

趁港股連續三日急升,累積龐大升幅,滬深大媽齊齊沽出三隻港股ETF止賺,市場仍憂慮歐美銀行風暴

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

22/3 周三恆指收19591, 大升332點

恆指連續兩天大升,已打破了3月彈散的慣性走勢, 測市指標出現利好訊號, 大鱷的部署係3月收升,20/3恆指見底18829,由21/3起沽空連日縮減,代表空軍看漲,所以忍忍手

大升前必有一插, 人行降準,但20/3(周一) 恆指卻大跌518點低見18829創3月新低, 大鱷殺跌目的係逼死好友以及引淡友入局,震牛引熊,周二三連續兩日急升已收復所有失地,19800樓上級級有肥熊,有上攻誘因

今日高見19775, 按照大鱷的習性,冇理由唔上19800, 可能係等緊利好催化劑才出手,下周四期指結算,本周大鱷要開始部署了,本周五(24/3)如能收19800之上,確認好友已奪回主導權

{#icono_72}{#icono_72}{#icono_72}{#icono_72}{#icono_72}{#icono_72}

21/3 周二恆指收19258, 升258點

好友力守19000上攻19600

聯儲局議息以及QQ業績揭盅前有短炒淡友 食胡平空倉, 補倉盤推高大市,除此之外,買盤並不積極,港股成交縮減至$1024億,股民可能等QQ業績及聯儲局議息揭盅才出手,未來幾日都是大龍鳳的日子,好淡大鱷要分勝負,周四23/3是關鍵日

期指未平倉淨數明顯減少,沽空亦縮減,人行降準,人民幣及港匯走強,估計廢老鮑爺唔敢大幅加息0.5%, 亦唔敢停止加息,怕死的鮑爺只能加0.25%, 美元下跌,利好中港股市

近日老外掃入A股,大媽掃入港股,大媽連日吸納QQ,QQ率先收復10天線, 具啟示作用

上證重上3250,升 21點,收3255,歐美合力打救出事金融機構,亦舒緩了市場恐慌情緒,中美股市反覆回升,今日港股冇插穿昨日低位,測市指標出現利好訊號

今日轉節氣春分,係異動日,中港股市同步 轉勢向上 彈高高,大量熊熊飛撲入市,牛少熊多,有上攻誘因

恆指向上阻力19500-19900, 是多條平均線密集區,不過只要有極大利好消息就能突破關鍵大位19600挑戰19800水平

上星期港股周線收升,如本周續升,就扭轉了尋底市的弱勢,只要周五收19800之上就確認好友成功反擊

最新回應

門徒
門徒 2024/05/20

196牛左 {#iconb_625}我報係數4捨5入

門徒
門徒 2024/05/19

史哥咁你斬左未? {#iconb_61}

門徒
門徒 2024/05/18

史哥醒返我地繼續論市 {#iconb_625}嘩...成交持續暢旺...唔買都唔好沽住,等有足夠誘因先...養套殺