4月第四周港股好淡通殺

4月第四周港股~急跌急彈、好淡通殺

4月中港股創月內新高20864後掉頭回落，不過26/4 恆指低見19521後抝腰向上，皆因老外不但收手冇再大手沽出A股，更趁低吸納A股，港股亦跟隨上證止跌回升

4月尾插穿19800後陸續見有淡友平空倉手影，期指結算日 27/4 港股出現利好訊號，4月中見頂20864以來首度連升兩日

4月中連環下殺後肥牛陣亡，牛多熊少情況已消除，大鱷壓住大市畀19900樓上貼價熊出世，多家美企及中企業績勝預期，大鱷乘機抽升挾淡，結算周玩好淡通殺，28/4周五係異動日

4月第三周港股~ 轉勢向下、臨危托沽

17/4 恆指國指破頂，創4月新高20864/7092，但科指高見4282, 無法破頂4314，展開跌浪，加上牛多熊少，拉住港股落山，港股尋頂市於月中結束，轉尋底市，符合半月或會轉向的慣性走勢， 大鱷托住高位來派貨，令股民有大市跌唔落的錯覺，好友中伏成手蟹

4月下旬港股~尋底市

每逢月中及開新月都會有異動，一係原有走勢加速，一係掉頭，預示17/4起會有大龍鳳，大量好友股民博反彈，大鱷走貨散戶接貨，牛多熊少拉住港股後腿

清明節後，4月上旬港股好友力撐大市，無論點震，每日都收關鍵位20300之上，一如早前所說，只要好友守住20000, 以周波幅計，就會挑戰20600-20800，當衝頂打回頭就會再尋底

QQ將於5月中 公布業績，換句話說，由4月中開始，QQ要暫停回購，少咗一條大水喉撐，而且QQ大股東擺明車馬準備大手減持，嚇到股民 爭相沽出QQ，冇人敢入貨，皆利淡港股，現時 中港美股市仍處業績期，21/4周五 中美股市期結

踏入4月份，內地股市每日成交都超過一萬億元人民幣，有大成交配合，上證向上突破，企穩3300, 上攻3350.3400...., 港股能走多遠看上證, 當上證見頂回落不利港股

~~~~~~~~~~~~~~~~~

資金流走，港匯弱雞，金管局頻頻出手，港股缺水彈唔起， 好明顯4月上旬大鱷推高港股係派貨、加沽以及養牛

大鱷玩扮跌唔落引股民入局接貨，先畀d甜頭，然後再劏，大媽大鱷近日走商湯，散戶接貨, 股民一日未收手離場，始終會將盈利交番畀大鱷，長賭必輸

港股出現大量壞消息，亦有唔少利淡訊號，明明要插，但大鱷就一直托住，大鱷可能等中美股市確認見頂才殺跌, 按照大鱷的習性，一直托住大市唔上唔落，當完成部署就會爆邊

按照慣性走勢，要21/4收20400之上，今個月才有機會收升, 如果低收並大幅拋離20400，今個月收跌機會大

4月上旬港股~ 震盪上行

4月初有清明及復活節假期，首周只得3個交易日，通常日數少，周波幅亦會跟隨收窄，假期前後例牌大龍鳳

3～4月港股雖然處於震盪上行格局，不過回顧去年4月上旬，恆指衝高見頂後就反艇，月中沽壓加劇，目前港匯持續弱勢，近來金管局亦要出手，資金流走

恆指於3月尾高見20721後掉頭回落，市強由高位嘔600-800點就會重拾升軌，破頂而上，市弱就會嘔千點，19800-20100是好友力守防線，只要收市守得住20000，就會再上攻20600-20800阻力區，不過前頂21005阻力非常大，係淡友最後防線，如衝頂打回頭就要再尋底

4月第二周將迎來美企業績期以及通脹數據，摩根大通、富國銀行和花旗集團等大型銀行打頭陣, 機構投資者多數看淡第一季度財報

2023年第2次水星逆行日期：4月21日至5月15日

(4月上旬博主soho 外遊封筆)

31/3 周五恆指收20400,  升91點

港股受季結推動打破慣性走勢出現四連升，不過季結月結期結完成，好友撐市亦告一段落, 小心4月第一周(3~7/4)要回吐，市強即市調整，市弱下試20000-20100甚至19800，如能守住20000, 就會上攻20600-20800

市場憧憬美國加息週期已屆尾聲，美國十年期債息及美元 齊齊走低， 人民幣連升兩日，中美股市做好，但3月中油價插穿70美元後止跌回升，愈升愈有，向75-80美元進發，勢必推高通脹

雖然Al 顯示港股正處震盪上行格局, 不過去年4月初係踢多一腳上去就反艇，港匯弱勢持續，大鱷止賺換馬托沽味濃

今日係3月份最後一個交易日，下周一開新局，按照慣性走勢，每逢月中或月初都會有異動，原有走勢加速或變盤，牛牛不斷上移，愈養愈肥，具吸引力，熊熊亦下移

3月下旬國指轉強，連續四日 跑贏恆指皆因大鱷沽出科技換馬中資股，連有分拆好消息的阿里都見沽壓， 大鱷趁好消息挾高阿里派貨

中移等電信股受追捧，代表資金避險泊入高息股，下星期假期多，星期四(6/4)係異動日，預示下周會有大龍鳳，淡友或會反擊, 下星期五起（7-10/4) 兩天復活節假期港股休市，內地如常開市，美股7/4休市一天

4月份關鍵位  20030  20100