Cally - 殘疾人運動「家友」站讓殘疾人士與親友體驗運動樂｜商界講呢啲

2023/04/12 03:18:15 網誌分類: 生活

12 Apr

香港傷殘人士體育協會本周一喺假車公廟體育館舉辦殘疾人運動「家友」站，係協會首個比殘疾人士同家長、照顧者以及朋友一齊參與嘅殘疾運動體驗日。協會主席梁禮賢醫生喺開幕禮上表示：「為咗令殘疾人士運動得以長足發展，協會加強同學校及社區合作，推動社會各界對殘疾人士運動嘅關注同支持。」

今次活動提供咗羽毛球、硬地滾球、草地滾球、乒乓球、保齡球、輪椅籃球同輪椅劍擊七項運動比殘疾人士試玩，活動後仲有家長同運動員分享會，大家對活動反應都好正面。

唔講唔知，原來協會喺頭三個月已經舉辦咗近10場殘疾人運動活動同學校工作坊，累積參加人數近700人，往後佢哋亦會繼續展開殘疾人運動「社區及學校發展計劃」，提升市民大眾對殘疾人運動的認識及支持。
Cally