KellyChu - 競爭激烈 最年輕報名者18歲 長洲搶包山236人爭入12強｜Executive日記

長洲搶包山會喺下月15日決賽，大會昨日先舉行賽前訓練。今年反應一樣咁熱烈，共有236人報名參賽，包括140男96女，年齡介乎18至73歲，後生同老人家都有！最年輕選手、年僅18歲嘅抱石運動員林楚穎就話，第一次參加，有點緊張，需要多加訓練，但有信心可以參加決賽。小妹都覺得楚穎掂嘅，加油！

　　去年失落「包山王中王」嘅郭嘉明今年繼續參賽，佢笑住話，今年心態較去年輕鬆，「贏又贏過，輸又輸過，都玩咗咁多年啦！」去年同樣失落「包山后」嘅龔子珊就希望今年有好表現。所有參賽者必須完成訓練，先可進入選拔賽，大會將選出24人入圍複賽，爭奪12個決賽席位，其中3席須係女參賽者。決賽會喺佛誕當晚舉行。

　　另外，去年第2度奪得「包山后中后」嘅黃嘉欣，今年就因為懷孕唔可以參賽，不過做咗活動大使，同參加者分享經驗。

　　佢就話，無太多不捨，反而好開心可以用另一種身份參加活動，希望可以明年再戰。小妹恭喜嘉欣！

KellyChu