5窮月港股破位而下有災味

5月下旬港股繼續尋底有災味

// 港股重心下移陰陰跌, AI 顯示港股已轉為尋底市 //

信不信由你, 股民一時看好一時看淡, 變來變去, 但5月份標題文章早已說 Al 已有指引, 網誌早已提醒大家12/5 恆指收市升跌強弱對5月港股表現具啟示作用, 12/5港股唔靚仔, 所以5月不是好月, 會係收跌月，5月下旬會創新低

按照慣性走勢, 破底後跌勢會加速, 向下擴大周及月波幅, 後市不妙，早前人民幣走強 推動內險及內房股急升，當5月份人仔碌落山，相關股份就大插插

自從5月中公佈內地4月經濟數據令市場失望後， 一直托市的無形之手就消失，中港股市跌勢就加劇, 不過按照慣性走勢月尾6天港股不會全跌，會有反彈，彈完續尋底，然後再等6月開新局看看好友會否反擊

22/5 周一 港股雖然反彈，但人民幣再度回落，收跌69點子報7.0304，創近六個月新低， 拖累上證 3300/恆指19800打回頭， 大媽掃高QQ來掩護出貨，大手沽出恆指、國指及科指ETF，大媽走鬼, 代表港股後市不妙, 下殺危機未除, 19295-19428上升裂仍未回補是後患，前底在18829, 以周及月波幅計未必守得住

美國陣亡將士紀念日29/5 星期一金融市場休市一天

19/5 周五港股今日又大跌，今個星期周線收跌，過去三個星期 都係周初先推上去做高位，然後才落山做低位，好淡通殺, 今日人民幣反彈，結束五連跌，上證周線得以收升

18/5 周四港股衝高回落, 收窄升幅～暗湧

大媽做快閃黨, 昨日趁港股暴跌大手吸納盈富及國指ETF博反彈, 今日就食胡, 美元強勢愈升愈有, 上破103水平, 人民幣弱到不得了, 連跌6日, 失守7算, 怪不得中港股市彈上去沽盤湧現

只要插穿19500落去回補上升裂口就可擴大周及月波幅, 以19800計,下跌空間仍大, 所以呢兩日空軍積極加沽

早前炒中特估內銀內險飛天後已散水，所以港股彈高但佢哋上升動力已減弱，明知中特估已見頂，所以彈上去蟹貨出籠

17/5 周三港股大跌，失守多條平均線，走勢差劣，不過大媽趁低大手吸納盈富及國指ETF博反彈, QQ業績遜預期，怪不得$350打回頭，倒跌收場, 港股牛多熊少， 美元升, 人仔大跌

昨日已說唔少股份破位而下，表現差過指數，科企升到尾聲，亦說今早港股下跌股份比例高，臨危托沽

Al炒股軟件睇強弱分界線是在20070, AI 顯示港股早已轉為尋底市

16/5 周二～暗湧

美國十年期債息 連日上升，美元衝上102.5, 人民幣連跌四日，拖累中港股市齊齊衝高回落， 港股表面上收升但唔少股份表現差劣，沽壓沉重，只係靠幾隻科企托市，QQ公布業績前大媽繼續掃入QQ以及淡友回補QQ空倉推動科指創今年最長連升記錄, 小心連升隨時斷纜

港股成交細，大鱷就更容易借突發消息將港股舞高弄低 ，港股牌面明明利淡，昨日卻急升挾淡，上周淡友如果冇食胡， 如今就要捱價， 過去兩日大鱷咬住高位想逼淡友投降，不過普遍淡友仍企硬博再插穿19500

//<匯港通訊> 據上證報，由上海證券交易所主辦、工商銀行承辦的“滬市金融業專題座談會”將在5月17日召開。據悉，此次會議討論的重要內容為“在服務中國式現代化中促進金融業估值提升和高質量發展”。參會機構包括銀行、保險、基金和券商人士。//

15/5 周一恆指急升，結束四連跌，惜20000大關得而復失

人民幣及港匯由低位反彈，中港股市亦同步止跌回升，今日恆指創5月新低19498後拗腰向上收大陽燭，明日20100樓上熊熊有難

以周波幅計，只要上破20000就會向上擴大周波幅，前頂在20321，關鍵阻力區20000～20200，牛多熊少會拉住港股後腿， 如受阻而回就要再尋底，19500樓下上升裂口未回補是後患

淡友於QQ 17/5周三公布業績前持續平空倉，加上港股收復10天及250天線吸引資金入市追貨，一眾買盤推動急升3.9％重上10天線及$340水平

好友有心有力成功大舉反擊，亦要多謝QQ阿里空軍近日密密平空倉，因為17/5 QQ 18/5阿里將會公布業績，不過科指已連升4天，平了今年最長連升記錄，小心明日獲利沽壓大增

~~~~~~~~~~~~~~~~

上周說見淡友陸續食胡, 而大媽見QQ插穿$330開始入貨, 係利好信號，所以我估上周五12/5港股會反彈, 可惜最終只得科指升, 恆指全周只升了1天(通常最少升2天)，預示本周會補漲

我估上周五12/5 彈唔起拖到今日才彈高係因為

~上証插水打穿3300

~ 大鱷玩窄幅係畀時間貼價牛熊入局

~ 牛多熊少, 大鱷想插穿19500殺完肥牛才彈高

最終今日港股先跌(屠牛)後彈(殺熊), 合共殺牛熊約二千張, 好淡通殺

12/5周五恒指連續3日收19800之下

「北向互換通」15/5正式啟動，當天水逆結束

恆指連跌四日（由3月起最長四連跌），但科指卻走強連升三日，皆因早前大媽大手沽出QQ，近日卻趁低吸納，恆指在19800穿梭，大鱷仍然繼續玩指數窄幅上落，個股大上大落，好淡通殺

下午美期大彈高，但中港股市唔跟，呢種情況好少見，反映港股沽壓沉重，可能係淡友壓低食胡

水星逆行已屆尾聲，要看下周水逆結束好友會否反擊，半月會有異動，原有走勢加速或轉向

港股表面上未破底~5月上旬低位19538 （ 可能係震熊引牛，亦可能係畀時間貼價熊出世）, 指數有無形之手力撐，但唔少股份已跌穿近日橫行區, 洗倉格，水星逆行殺傷力驚人

歐美聯手圍堵中國，美元重上102水平，人民幣弱雞跌勢持續, 上證深潛失守3300, 好友等上證反彈就有藉口反擊， 亦要看 QQ阿里下周公布業績前會否有淡友食胡平空倉，QQ關鍵位$330，阿里$80, 軟銀已沽清阿里

10/5 周三港股反覆向下續尋底

水星逆行港股重心下移陰陰跌

早前急升的中特股見頂回落, 獲利沽壓湧現，資金換碼，轉投跌到殘的科企及公用股避險，美股同樣係資金由舊經濟股換碼新經濟股科企， 納指走勢比道指強

不過美國或全面禁止美企投資中國AI及晶片等, 市傳拜登將於5月中簽署行政命令, 利淡港股，近日科企上升不獲成交配合, 與樓按相關的1個月拆息15連升, 怪不得屋仔股反艇

港股好友力守19500以及250天線愈來愈吃力，因為QQ及舊經濟中特股弱雞，加上 上證見頂回落，亦拖累港股，全民皆艇，影響入市意欲

周五12/5係關鍵日，升跌具啟示作用，當天要畫周線，港股周線收跌機會大，恆指如收19650關鍵位之下3天, 代表好友陣亡

本周淡友推低大市陸續食胡，如12/5周五好友未能作出反擊， 後市不妙，19500危危乎，19295-19428上升裂仍未回補是後患

9/5 周二港股有洗倉味, 形勢不妙

5/5  恆指受制於20300, 前頂阻力20286

近日內銀內險AH股強勢, 推動恆指重上關鍵大位19934, 不過權重股QQ阿里中芯等科企沽壓沉重，科指弱勢拉住港股後腿，一直以來北水大媽持有大量內銀蟹，今次以炒中特股為藉口推高走貨，要留意以往當上證見頂，港股淡友就會出手殺跌

恆指向下支持位19500如失不妙, 反彈阻力 20300 (成交密集區及降軌)，再上 20800~21000 阻力就更大，不進則退，水星逆行期間小心大市特別波動，G7 班狗賊開會商量圍堵中國，科技股壓力特別大

6/5周六 轉節氣立夏(立下), 12/5周五關鍵日

5月新局: 20000穿梭，好淡通殺

早前曾 說去年美股5月份係急升暴跌，不斷急跌急彈，大鱷多數玩好淡通殺, 做淡美股最難炒係往往下午或翌日抝腰急升，以及美企頻頻回購撐股價，所以美股往往死唔去，暴跌後都識反彈

曾聽分析師說 美國陸續有銀行出事，美股有勁多淡倉，其後美股卻爆升，我估係挾淡，殺完淡友才插，好淡通殺, 港股都係一樣，大鱷喜歡夾硬踢上去 秒殺熊仔, 然後才落山屠牛，清場後就會急彈屠熊，支持大位19500, 反彈阻力 20300 / 20800~21000

人民幣走強，上證明顯跑贏港股，4月埋單中美股市走勢勝港股, 可能係因為大股東部署沽出騰訊比亞迪,  嚇到冇人敢入貨, 而阿里沽壓亦大得不尋常, 拖低大市，美股亦高處不勝寒，三大指數受制於阻力區34000/12000/4200, 投資者憂慮還會有美國銀行倒閉, 地區銀行股繼續被拋售

唔少股民及基金經理都等插穿19500，19295-19428 上升裂仍未回補是後患, 股民入市意欲低, 所以港股成交急降，係大龍鳳先兆

4月上旬 AI 顯示港股震盪上行, 4月中閃上20800樓上企唔穩, 4月尾恆指雖然連升, 但 AI 顯示港股已轉為尋底市，不過只要收19662之上，代表好友仍未放手，後市仍會再上20000水平，殺完好友再殺淡友，等養肥牛牛再插過