KellyChu - 中國首位戴眼鏡太空人係「學霸」 桂海潮：科研搬上太空夢想成真｜Executive日記
2023/05/30 03:20:47
網誌分類:
生活
36歲嘅桂海潮係今次任務擔任載荷專家，佢昨日嘅記者會就話：「以前『航天員』這三個字對我來說，既神聖又遙遠，我也曾經夢想着，有一天能把自己熱愛的科研工作搬到太空去。」沒諗到夢想成真！其實桂海潮閱歷豐富，係北京航空航天大學宇航學院航天飛行器技術系嘅教授，亦係為北航引進嘅「卓越百人、青年人才」之一。
桂教授喺北航攞到博士之後，2014至2017年就去咗加拿大約克大學同瑞爾森大學從事博士後研究，期間參與過複雜航天器姿態軌道一體化控制技術、小天體探測和航天器高精度運動技術等科研課題，而呢啲課題剛好同神舟16號在軌期間所執行的在軌科研任務好相似，所以係合適人選！
李家超喜聞港人進載荷專家複選
而來自雲南省保山市施甸縣嘅桂教授，從細就係「學霸」，有一齊長大嘅小學同學就笑住話：「他戴眼鏡是學習學的，我戴眼鏡是打遊戲打的。」
另外，特首李家超就對港澳有十幾人進入載荷專家複選表示祝賀，亦體現國家對本港科技界嘅高度重視。
Kelly Chu
■桂海潮是中國首位戴眼鏡上太空的航天員。
■曾參與過的科研課題同神舟16號在軌期間所執行的在軌科研任務好相似。
回應
(0)
我要發表