Kelly Chu
Kelly Chu
Kelly Chu

KellyChu - 學生參觀「創科住宅」 學習可持續發展|Executive日記

2023/06/01 03:20:54 網誌分類: 生活
01 Jun
        發展同環保同樣重要,一直注重社會責任嘅恒基地產,早前就邀請咗一班修讀生物學科嘅中學生,參觀位於粉嶺北、糅合創新科技、藝術同可持續發展於一體嘅住宅項目One Innovale,等學生了解可持續發展點樣融入項目設計。

恒基5月18日同瑪利諾中學校長、生物科老師以及共20名中四級生物科學生,去到粉嶺北One Innovale參觀,其中一個重點項目係「螢火蟲園」。團隊匠心打造螢火蟲宜居嘅生態環境,由一草一木,以至水質、土質和濕度、石頭種類及微氣候設計等,每項細節均模擬適合螢火蟲生長嘅自然環境,希望創造一個優質、無污染嘅居住空間畀螢火蟲棲息。保育基金會主席麥肇峰當日就喺線上同同學交流,親身講解螢火蟲園嘅生態系統設計。佢嘅團隊仲將螢火蟲帶到現場,等學生可以親眼觀賞「漆黑中的螢火蟲」,了解佢哋對生態環境的重要性,學會欣賞大自然。

學生之後就去咗「蝴蝶花園」,用手機透過AR技術喺場內捕捉蝴蝶,即時了解唔同蝴蝶品種和特性。呢個項目旨在提供一個高品質嘅無污染環境,配合園藝師特意挑選花種,吸引蝴蝶到呢度棲息。

學生亦參觀咗全港首個配備全自動室內水耕系統嘅水耕農場,住戶可以透過鏡頭監察植物生長情況,即使安在家中,亦可以體驗有機種植。另外,項目設有「都市農場」,等住戶可以親身參與種植,將現摘新鮮蔬菜帶到餐桌上,喺居住地方體驗綠色田園生活,同時幫助建立社區鄰里關係。
Kelly Chu■中學生參觀嘅住宅項目One Innovale。■中學生參觀嘅住宅項目One Innovale。
■學生參觀咗全港首個配備全自動室內水耕系統嘅水耕農場。
 ■學生參觀咗全港首個配備全自動室內水耕系統嘅水耕農場。 
  
回應 (0)
我要發表
user