古星輝
古星輝
古星輝

古星輝 - 銀髮族變身上網潮人|乜都5G

2023/06/02 03:21:38 網誌分類: 經濟
02 Jun
        香港人對智能手機嘅熱愛程度,早已去到機不離手的地步;舉例說,喺晨早嘅港鐵車廂入面,無論係成年人或者學生們,幾乎人手一機,望見呢個情景,相信大家都好清楚智能手機有幾普及。

至於實際情況係點,我哋可以參考政府統計處最新出版嘅《主題性住戶統計調查第77號報告書》,其中有關上網同智能手機方面嘅統計相當有趣,筆者在此同大家分享一下。喺2022年大約有96.1%住戶接駁咗互聯網,而呢批住戶當中,有99.9%係以智能手機為家中常用嘅上網設備,較個人電腦嘅78.1%仲要多。
銀髮族網民百分比大增

既然大家喺屋企都鍾意用智能手機上網,咁智能手機嘅普及程度係點呢?報告話2022年香港智能手機嘅滲透率係97.1%,對比2020年,即5G元年增加咗5%。更加有趣嘅係2022年有90.7%嘅65歲以上人士擁有智能手機,相比2020年大幅上升22.6%;而呢兩年間,65歲以上嘅上網人口上升15.9%,超過8成嘅銀髮族有上網習慣,可能當中有唔少係上網高手,絕對追得上潮流。

當智能手機同上網人口已經如此普及,加上5G網絡發展亦相當完善,喺萬事俱備之下,相信5G普及率好快會緊隨上升,每當見到身邊親友用5G load片load網快過自己,自己都會心思思升級5G啦,人人5G指日可待!

另一方面,大家已習慣食飯攞飛、點餐、買外賣、甚至叫車、搵維修師傅都用智能手機辦妥,方案開發商可以放膽設計更多應用,加速我哋邁向智慧城市。
和記電訊香港行政總裁
古星輝
回應 (0)
我要發表
user

網誌分類