Kelly Chu
Kelly Chu
Kelly Chu

KellyChu - 趁神功戲上演 向街坊宣傳 「提子」登離島籲提防騙子|Executive日記

2023/06/07 03:21:17 網誌分類: 生活
07 Jun
        警方吉祥物「提子」過去一直透過各種渠道,呼籲市民提防騙子,最近仲山長水遠走咗去南丫島,同睇神功戲嘅老人家講解防騙技巧,而且畀同場睇戲嘅退休高級警司何明新撞到,大讚:「真係好嘢!連南丫島呢啲『荒島』都去,o依家『提子』宣傳真係做到無孔不入!」

何Sir同Kelly講,佢係南丫島索罟灣人,過去幾年因為疫情,一年一度天后寶誕嘅神功戲都停辦,今年難得復辦,前日專程過南丫島睇戲。

但沒諗到,睇戲都可以撞到攞住「提子」海報嘅水警,同現場老人家講解防騙技巧。佢笑住話:「真係好嘢!連南丫島呢啲『荒島』都去,o依家『提子』嘅宣傳真係做到無孔不入!」
何Sir大讚宣傳有效

何Sir又話,老人家容易受騙,相信經「提子」講解,各位長者學咗唔少嘢,大讚宣傳有效。而喺臨走前,何Sir仲特意同成班鄉親同兩位水警影相,留個紀念!
Kelly Chu■同睇神功戲嘅老人家講解防騙技巧。■同睇神功戲嘅老人家講解防騙技巧。
■何Sir(右二)同成班鄉親同兩位水警影相留念! p/  
 ■何Sir(右二)同成班鄉親同兩位水警影相留念!

   

  
回應 (0)
我要發表
user