曾智華 - 誰是「黃鴨仔」之父？｜祿祿無窮
2023/06/09 03:22:11
網誌分類:
生活
一直以來，呢隻卡通黃鴨由邊個原創，引起好多講法，甚至出現訴訟，糾纏不清。
對，浮游維港的巨型橡皮鴨，的確是由荷蘭藝術家霍夫曼（Forentijn Hofman）設計又製造，2007年面世以來，已遊勻全球多個城市。
但是，霍夫曼幾多歲呢？46歲，出生於1977年。
呢呢，咁就怪嘞。因為小弟童年時，即1958年左右時，日日沖涼，先母都會放幾隻小黃鴨陪我。而這些小黃鴨，設計人為林健鋒議員父親，今年已近百歲的林亮（見圖）老先生。佢1947年開始做塑膠玩具，創作咗呢隻甚多人抄襲？翻造？模仿？的受歡迎玩具，兼且出口到全世界，成各國兒童恩物。
霍夫曼的巨型橡皮鴨構思何來，正正是有日在女兒玩具中，發現一隻小黃鴨，從而爆出創作意念。
小弟見過林老先生，這位慈祥長者，以今時今日的身份地位財富及智慧，根本不太在乎搞清邊個抄邊個。
但既然隻鴨1947年已出世，又咁鬼似，霍夫曼或安排橡皮鴨遊維港的公司，若能向林亮先生致一次敬，也是項漂亮公關舉措！
曾智華
回應
(0)
我要發表