誠哥的獎勵心得
2008/06/23 22:15:22 網誌分類: 生活
網友就誠哥前文的100元貼士,指出誠哥的獎勵員工心得.
從表面看誠哥的確對幫得手的人,給好大的獎賞, 之前好多年的頭幾個打工皇帝 (這2年,基金之頭頭佔了一些席位), 都是誠哥不同企業的頭馬. 幾千萬到過億一年,唔講得笑. 如果有幸做了這位, 真係勤力過自己生意.
他懂用人, 一早己請鬼佬,街外人專才打理自己的生意. 如果您幫得手,他比您的支援及花紅, 令您根本唔易找第二份工,同唔會自己攪生意. 這一點,我都要好好學習.
未在他期下打過工, (就算有, 都有排埋唔到他身邊.)但他的成功是有目共睹的.
忽然記得曹廣榮說一個當官"人去茶涼"的故事, 人己去, 不知是真是假. 他說當官時,同一個城中富豪是私人朋友,每年都收到他親提之聖誕禮物. 每次有事找富豪, 可打直線, 一定可以即時說2句.
辭官之後,以為人去情還在, 但再收唔到聖誕禮物, 打電話只有祕書的回話,"X生有空時會覆您."
是情是利呢?
yy 太：
如是我，我會不再返這個興趣班啦！
返興趣班都是想學習同開心，
改變唔到 38 咖啦.
Thankyou
IDOGLIFE
您說的很對. 給點化了. 會想一下如何做到. (因為我有出30%premium請了都是不知所謂的人. 而個人當是老馮.), 會唔會是送鑽石呢? :) 多謝您.
OASIS之不成功,我直覺(看報) 感到,未必是主事人用情太多, 而是於一個大變數但犯大本的行業中,缺乏經營經驗所至.
YY太
在商言商,老板是生意人,畀得那份人工和權力你,當然要你畀返咁多value給他。
李先生給他的頭馬咁高的人工,on the other hand 也是一種廣告。Paint一個有希望的picture給有料之人(or自己以為有料之人)去投身他的旗下,這些人未必需要畀高人工,因那希望可drive他們和留住他們。
作又36,唔作也36,你作嗎?
$只是個hygiene factor, 相反地,那希望有它的作用。
人去茶涼 ... 當然啦!在商言商麻。
甘泉航空成功嗎？
有人升職唔係自己就要睇下人地係邊度叻, e生女啱啱同team果女仔升咗無佢份, 佢唔開心, 覺得大佬偏心, 但我問佢問心人地有咩叻過自己, 佢諗諗下話"英文", 咁我話你就拿拿聲去補補去, 唔好浪費自己時間(21歲), 大把機會, 最緊要把握現在。
(有時升職都未必好, 因為壓力大, 睇下自己可以去度邊啦)
話時話, 以前大公司真係好hea得, 但而家既大公司都無得點hea, 因為"精簡人手", 簡單野都上咗大陸, 係得香港既都要一個頂兩個起碼, 仲要EQ高, creative同埋係good team player(唔係講廣告公司呀....陰功)
仲可以練下"人際關係科"(人多好複雜), 讀書時學唔到~~
羊咩,
真是看個人之特性, 但幫朋友打工,是很難.
我做過一間800人的公司, 中層,我好彩有老闆賞識升得好快, 但每次升級都要攪一大輪, 看年資, 百份比. 呢樣個樣. 看幾十人FILE 才決定升您(怕有老人家唔開心). 如果一般加薪, 只是5.3% 及超水準之頭馬. 5.99%. 其實都是麻麻, 我地一班中層, 叻的己全有自己公司, 唔叻的, 97之後無耐比人炒左.
所以 做什麼公司, 看自己際遇 多D.
大公司有一樣好, 偷懶無人發覺. HAIR 到 幾年是生仔首選. YY太
唔係個個老闆都識用錢留人
曾經幫朋友打個工, 哈~ 小老闆對錢"很重視", 我係未關係破裂前離開, 起碼仲可以做朋友。
我又唔適合做老闆(每個人有每個人既本份), 所以, 我比較喜歡sizable既公司, 因為你有能力爬上去, 就可以搵得到。
(個人愚見)
KI.
我想就是狠, 才可成首富, 我就沒條件. 畢老的一種首富,少有. 但話說回頭, 畢老,不是常開出恥辱價收購有困難的業務嗎? 對首富利益比情重要.
DANNY1
我唔知是不是做人要看風使盡,但我會叫自己,唔好有EXPECTATION.平常心. 您愛人,但人唔愛您是一種好痛苦的事. 唔好想得太美, 人就可以接受及快樂一些.學習中.
YY太
人情因利益而存在
利益無左，人情就無了。
在現實的世界,難怪咁多人都學咗有風便要駛盡..
博士,
多謝到訪yy太之家. 對呀,position power 就是這樣, 香港大部份的文官(除了,做批地,地政的一批,之後因人事關係, 可入大地產公司之外), 大部份都"人去茶涼".
而武官, 警務之高官, 因有影響力,可在大公司任職管理工作.
"人去茶涼", 是一個好到題的形容,創業前,沒多大感覺, 創業後, 覺得好有味道, 不過是酸溜溜的. yy太
嫣嫣,
您說的富太,這樣就富而不貴了. 形象不是太討好. yy太
一人之下, 萬人之上, 有公司司機接接送送…
人一走, 茶就涼…
當中滋味, 只有自己知...
N年前, 打過胡應X的工, 胡太好[inch], 鬧人不畀面…有$$$都不是冇家教…
ｙｙ太，
李生不單對身邊近臣給好大的獎賞， 我有一個朋友，在長實做一個普通職員，她說每年的聖誕晚會，禮物都非常豐富，３數千元的禮物是細獎呢． 朋友對說得很開心，可見李生對其他員工亦算照顧．
YY太，你也可以慷慨的從christmas party 送大禮啊．
花姐： 又不用驀然迥首咁灰，因為這才是現實，否則就不會有人漏夜趕科場，唔同曹生做左高官咁多年都唔明咩． ｋ
yy太
朋友有多種,最不能深交是商場朋友,彼此關係存在的是生意價值,他待你好只因你的關係令他在生意事情運作上加添順暢或提升盈利,相反你的盤口或人際關係失掉了,他會另找高人取替你的,千萬看清楚自己在別人眼中的角色,失去了不應生氣,只是當日你高高在上,只見萬人向你跪拜,真的以為自己是神,到了曲中人散,人老朱黃,還未能驀然迴首,就太天真無知了!
yy :
曹廣榮唔明, 做官嘅時候, 有的是 Position Power, 人哋梗係俾幾分薄面。
人哋係俾面佢工作嘅機構, 唔係俾面佢私人！
做人真係要識搞清楚。