Jacky哥 - 恒生90周年利東街義賣手機殼 支持慈善機構｜企業熱話
2023/07/11 02:53:59
網誌分類:
生活
呢個活動原來係恒生90周年行慶嘅延續，特別喺利東街展出一系列放大版90周年限量手機殼，同場仲會進行手機殼慈善義賣，收益將全數撥捐予香港公益金及聖雅各福群會，以支持香港社會福利服務同藍屋嘅文化傳承以及保育工作。呢個活動得到信和集團嘅支持，恒生銀行執行董事兼行政總裁施穎茵仲聯同信和集團副主席黃永光親自到場支持同打卡留念。
講番今次活動，係以鬧市中嘅遊樂場為概念，恒生沿著利東街展出多款由6位本地插畫家設計、極具本地特色嘅90周年放大版手機殼，亦設有多個藝術裝置，俾大家可以盡情遊走打卡。展覽同時安排咗唔同嘅創意活動，喺打卡嘅同時亦可體驗本地藝術創作，例如可即場設計並印製專屬環保袋或者環保杯套。另外，本地藝術家仲會喺周末期間為大家提供人像速繪O添。
「同『恒』同趣無限FUN」期間，大家可喺Instagram上載打卡相片，同親朋好友分享。留意展覽會喺7月17日完結，大家記得把握機會，去打卡兼拎紀念品喇！
Jacky哥
■恒生銀行執行董事兼行政總裁施穎茵（右四）聯同信和集團副主席黃永光（左四）率先參觀展覽，並打卡留念。
■本地藝術家會在周末期間為大家提供人像速繪，恒生銀行執行董事兼行政總裁施穎茵（右）及信和集團副主席黃永光（左）率先體驗本地藝術創作。
回應
(0)
我要發表