KellyChu - 「綠火焰未來實驗室」親子嘉年華受歡迎 煤氣公司派員到學校推ESG｜Executive日記

為咗向下一代推廣環保理念，煤氣公司聯同cute到爆嘅本地原創角色B.Duck小黃鴨，上周末喺中環街市舉辦「煤氣綠火焰未來實驗室」親子嘉年華，唔少家長帶住小朋友入場，場面熱鬧！煤氣公司推出全新教育項目，安排員工到學校講解社會、環境及管治（ESG）理念，仲發放現金贊助，喺校內推廣環保教育等。小妹覺得呢顆咁有熱誠推廣環保嘅心，真係抵讚！

喺全新教育項目「煤氣綠火焰能源科學家培育計劃」下，煤氣公司成立「綠火焰教育組」，安排具專業工程或ESG知識嘅員工，到學校為學生講解氣候變化等課題；安排學生到訪煤氣公司總部、煤氣廠；向各校開放現金贊助申請，用於校內能源、環保等教育活動；煤氣公司仲會委任學校提名嘅學生擔任「綠火焰校園大使」，協助校內宣揚環保。

計劃推出至今兩個幾月，學界反應好正面，首階段全港多區已有19間學校報名，煤氣公司亦委任超過90位學生成為「綠火焰校園大使」！

煤氣公司常務董事黃維義就話，近年氣候變化問題嚴重，有必要向學生推廣ESG理念，所以今年推出計劃，投放更多資源喺教育範疇。另外，今次活動有展區就介紹氫能發展，黃維義就透露，其實煤氣公司現時生產嘅人工煤氣，有一半成份係氫氣，同時亦正籌備喺管網中抽取氫氣，準備好為香港提供安全可靠嘅供氫方案。

Kelly Chu