KellyChu - 逾200人等小巴 「返北潭涌2小時」 萬宜水庫東壩周日「龍」來了｜Executive日記

萬宜水庫東壩風景好靚，小妹偶爾都會去嗰度行山。但剛過去的周日真係太多人去行，結果小巴站出現咗一條「天長地久嘅人龍」。

東壩保留極罕見嘅火山岩柱，唔少「山友」都鍾意去邊行邊參觀，如果興致好，仲會坐船出海欣賞埋「海蝕洞」。但東壩比較偏遠，如果開私家車入去，需事先申請；而從北潭涌至東壩，行路最少2個半鐘，所以唔少人會選擇坐專線小巴來回。

但有網友就喺Facebook群組發文話，剛過去的周日實在太多人去行山，結果行完走嗰陣就發現，東壩小巴站有200幾人排隊。有網民見到就講笑話：「又係天長地久嘅人龍」、「返北潭涌2小時，行路好過囉」；亦有熟知情況嘅山友建議：「周日係多人，以前冇小巴，山友多數行出去，現在已經改善很多」、「在西貢行山，尾站必是西貢碼頭或黃石碼頭，否則自找麻煩。」

Kelly Chu