為利息奔走

2023/12/09 12:32:18 網誌分類: 生活
09 Dec

股票市場最近跌不停,幸好見勢頭不對,止賺了,但資金都希望有出路,只有網上睇那家銀行短線利率較優惠,就轉移過去。當然電腦純熟,就網上搞定,但始終老一輩,就得親到該銀行開戶,辦手續。正因女性壽命較長,如果唔好彩,活得長命,手上的資金都得活化,不可擺放不理,所以做人真的好煩,當然銀行基金經理,保險公司,都用美麗謊言騙客戶購買其產品,預算案給你睇到10 年八載如何壯觀的回報,但加一句,並非一定的回報,要視乎市場的環境好壞而定。自己都比銀行騙了多次,十年訂單快到又再續單,結果十年到期只是取回本金,要繼續擺放才可滾動息率,局住你坐牢似地不可逃走,否則蝕章,所以像我地的年歲,真係尷尬,未來仲有多久時日,難以估算,只有找最短的年期處理就算了。

回應 (5)
我要發表
易明
易明 2023/12/12 10:07:12 回覆

近期有些銀行提供的息率有五厘,算是不俗了,然而如果做這些高息存款時要「特別、特別」小心,提防被「偷龍轉鳳」,明明是做存款收息變成了買銀行的什麼什麼產品,那就真的冤哉枉也。

本來買股收息也不俗,不少藍籌都有逾七厘的高息,只是買股收息要承受股價升跌的風險,只宜趁股市有機會大跌之時才「擇肥而噬」而已。

花姐
花姐 2023/12/10 12:07:58 回覆

淺雪,你說得對,所以到67歲就不用再供,原來醫療那部份可用紅利支付,那個保險員都是同門師弟,都唔講我知,所以每月都要交費,乾脆攞返,雖然蝕比佢,但都後生有用過醫保,都沒蝕太多,取消保單,作為自己生活費,總好過都是佢保險公司得益多過我。

淺雪
淺雪 2023/12/10 08:18:20 回覆

保險先係 sale 過陣就話乜都保.等出事過陣就冇樣得.

花姐
花姐 2023/12/09 22:15:13 回覆

試下學下,你唔使驚,原來你常在soho那裡跟高手學野,好快又做股神啦!有佢地帶領,想窮都幾難,我都收手好耐,只係11月又玩左一陣,見形勢都唔多好,快手執少少唔使輸,賺突了。

試下學下
試下學下 2023/12/09 16:53:18 回覆

花姐 {#iconb_62}股票輸怕了,走去儲蓄保,經紀的眼神是有大水魚上門,但望住投資成績差劣不得不低頭

最後都買了,但十年後恐怕只得到本金加上微薄的回報,大筆錢都係定期,暫時只可這樣,小市民難發達,市勢不就

user

最新回應

wongi
wongi 2024/04/08

送上星星。

博大霧。

要懲戒。

易明
易明 2024/04/08

果真是為老不尊!

淺雪
淺雪 2024/04/06

這種不知廉恥的人在地鐵時常都遇到

wongi
wongi 2024/04/03

如果是我,寧願留在香港,省掉舟車勞動。