KellyChu - 登上國產C919及ARJ21機艙 超哥：體現國家高度重視香港｜Executive日記

國家自主研製嘅C919同ARJ21飛機近日訪港，民航處及香港機場管理局昨日喺香港機場停機坪舉行歡迎儀式。行政長官李家超（見圖左）致辭嗰陣話，C919同ARJ21首次出境，即選擇訪港，充分體現出國家對香港航空業及香港運輸業嘅高度重視。超哥之後仲同中聯辦主任鄭雁雄入機艙參觀，兩人仲試坐駕駛艙，體驗下「衝上雲霄」嘅滋味！

李家超同鄭雁雄等一眾嘉賓昨日親身參觀C919同ARJ21嘅機艙，期間超哥仲同鄭主任齊齊坐喺機師位，打卡影靚相。超哥話，今個星期六，C919將會喺維港上空翱翔，佢邀請市民到維港兩岸，共同見證國家航空發展嘅非凡成就，又呼籲各位航空發燒友，把握機會「影靚相」！

C919飛機預計周六當日上午10時半由機場起飛，自西至東飛越維港上空2次。市民可以喺尖東海旁、觀塘海濱、西九龍海濱長廊等地，一目睹C919嘅風采。

Kelly Chu