KellyChu - COLLAR做開幕嘉賓　仲有美食攤位等緊大家 馬會「好運1月1」吃喝玩樂一條龍體驗｜Executive日記

新一年就到喇，香港賽馬會明年1月1日就會喺沙田馬場舉辦年度盛事「好運1月1」，屆時除咗可以觀賞《華商會挑戰盃》賽事，馬會仲首次請到新世代人氣女團COLLAR做開幕嘉賓；之後就有本地樂隊Nowhere boys表演搖滾樂；現場仲有特設主題美食攤位，吃喝玩樂一條龍，啱晒大家喺元旦假期去chill下！

COLLAR明年1月1日會首次到沙田馬場擔任開幕表演嘉賓，幾位美少女就同Kelly講咗「開運貼士」：「入場前聽我哋嘅快歌《Gotta Go！》，自然可以財源滾滾來，Go Go Go！見到我哋唱歌記住笑到好似馬個口咁大，保證大家好似我地咁LUCKY！」另外，大家留意本月19日馬會嘅官方Facebook同Instagram，只要完成指定步驟，即有機會獲得COLLAR親筆簽名嘅馬仔！

沙田馬場當日亦會大派新年禮物，只需喺「好賞食」樓下參加「好運由此起」馬場快訊有獎遊戲，勝出者就有機會獲得豐富獎品1份。現場仲特設系列主題美酒佳餚，例如有青醬櫻桃番茄沙律、韓式泡菜牛肉墨西哥脆餅等，正呀！

Kelly Chu