KellyChu - 十大景點 示範最佳打卡位 鄧炳強化身沙頭角「星級導遊」｜Executive日記

沙頭角第二期開放計劃明年1月實施，將首度開放中英街以外嘅景點，向遊客揭開神秘面紗。保安局局長鄧炳強星期六化身「星級導遊」，率先向傳媒介紹沙頭角十大景點，並到多個打卡位示範最佳拍攝角度，親力親為推薦遊點。

鄧炳強指自己到過沙頭角超過20次，全長280米嘅沙頭角碼頭係全港最長嘅碼頭，設計團隊為咗增添「文青feel」，特別喺碼頭加設「天涯海角」打卡位，背景配上藍天白雲，有山有海，景色怡人。

局長又建議市民可以喺現場嘅自動販賣機，買條「幸福小魚」寫上祝福字句，佢自己就寫下「國安家安」4個字，掛於碼頭欄杆。

另外順平壁畫街、沙頭角舊「的骰」消防局，以及復古「沙頭角」火車站，都係唔可以錯過嘅景點。鄧炳強表示，舊時係可以搭火車入沙角頭，所以團隊都喺中英街花園整咗個模仿香港舊日嘅火車站，仲有一台1︰1火車頭模型，歡迎市民親身體驗沙頭角。

Kelly Chu