KellyChu - 星島新節目《星級創富》今首播 專家獻計提振本地飲食業｜Executive日記

想創富就要自我增值，Kelly知道星島新聞集團廣邀金融及商界精英，以「星級創富 智慧啟發」為理念，推出財經金融節目《星級創富》，仲會今日（12月20日）首播O添！節目以清談形式分享工商財金熱話、經濟大局、金融趨勢，以及灣區機遇等，幫助推動產業升級，讓讀者創富增值！

首集節目請到香港餐飲聯業協會會長黃家和，同埋螞蟻國際業務大中華區總經理兼AlipayHK負責人李詠詩擔任嘉賓，齊齊獻計拯救飲食業界！皆因最近港人頻頻北上消費，本地餐飲業界牙痛咁聲，擔心聖誕新年等長假期，生意將會更加疲弱；兩位嘉賓將會喺節目分享專業意見，包括飲食業數碼轉型貼士、反攻內地餐飲業策略，仲會分享點樣借鏡內地手機點餐系統，以整體提升顧客體驗添！想知道有咩好橋可以提升本地餐飲業生意？就立即Scan QRCode收看星島頭條播出嘅《星級創富》喇！

Kelly Chu