吹波波、做對沖

2008/06/28 00:22:18 網誌分類: 經濟
28 Jun

我和一位前輩及另一同事前日傾計嘅一個相關話題;談話費十分抵,咖啡一杯。基本上,牛仔總統當然有份搞風搞雨,伊拉克戰爭及財政赤字為代表作;但係始作蛹者,乃前聯儲局主席格林斯潘(Alan Greenspan)在位時,對市場風險管理嘅疏忽。

談話當中,有些理論並不完全理解,但筆者嘗試整理,作一段簡單記錄及分析。

現今市場風高浪急,要救市、救銀行,係去避免系統風險(Systematic Risk)所引發嘅市場崩潰,而家仲咁得閒講道德風險(Moral Hazard)係不設實際。然而,在風平浪靜嘅日子,就正是時候要防範會引致道德風險嘅情況。

在聯儲局成立前,無論銀行係管理不善、抑或受謠言而引至擠提,都要自己狽鑊;頂多會有好似J.P.Morgan般嘅大佬,安排眾兄弟(其他銀行)江湖救急;這種情況下係無乜道德風險。聯儲局(及中央銀行)嘅成立,就係要拱固金融體系,避免發生類似十九世紀末、二十世紀初幾次嘅金融危機(panics)。大家或許已聽過,中央銀行係一個「最後求助借貸者」(lender of last resort);然而因此,這種系統根本就充滿着道德風險。

所以要控制在金融體系之中嘅道德風險,要在於監管;現在很多時監管都是依賴核數,但在理論層面以外,實際上始終有利益衝突。其實中央銀行係金融業「頂爺」,應該最直接就係昅實啲做「靚」嘅商業銀行。央行除咗可以利用行政權力查數之外,由於商業銀行結算交收係由央行控制,央行亦可以從結算系統當中找尋一些蛛絲馬跡,向一些有不尋常結算額嘅商業銀行追查。我相信澳洲儲備銀行及香港金管局,有相對做足以上功夫,所以兩地商業銀行,在這次次按危機上,暫時嚟睇,這兩個經濟體系,所處嘅問題在於市場心理多於實質財政。

可是,前任聯儲局主席格林斯潘,對泡沫形成嘅時候,並未積極採取防範,而着重於泡沫爆破後嘅救援。對市場可說採取是放任態度,這是源於一個相信市場會自我修正、調節及有效率嘅信念(在經濟學派中叫neo-classical)。

大慨在香港報紙,亦有曾有評論,指格林斯潘以新泡沫去淹蓋舊泡沫,而每個泡就越吹越大。主要原因,是每次救市都涉及名義利率嘅調整,但在名義利率波動下,往往會將市資源分配(統稱投資吧)嘅風險扭曲。就是這樣,令唯利是圖嘅商行、投行,就盡量利用聯儲局嘅慷慨,大力追求利益;這其實正是聯儲局最需要加強監測嘅時候。然而格林斯潘任內,期間正藉環球化、成品貿易開放,及中國工廠廉價出口全世界,加上蘇聯解體、美國獨霸,減少軍備競賽嘅浪費。橫掂情況就,容許貨幣政策有較大嘅誤差而不至於影響物價。欣欣向榮嘅情況,監測借貸情況有阻人發達之慊,而且不管如何溫和衰退有助經濟去蕪存菁,亦無謂冒上經濟衰退之險。總之有風駛盡𢃇,無風就來一個「格林斯潘熊証對沖」(Greenspan Put)。

指定狽鑊者貝南奇(Ben Bernanke),經濟學派較接近凱恩斯派,在有市場失效時要政府積極干預,傾向增強聯儲局監管金融機構功能,但唔知會唔會太遲呢。另外,貝南奇身處的宏觀環境比格林斯潘差得多,在貨幣政策可操作性細,而且表現未夠果斷,在次按危機爆大鑊早期,危機感不足,近乎benign neglect。

回應 (30)
我要發表
2008/09/15 01:26:47 回覆

袋鼠兄, 袋鼠靚靚

中秋節快樂 {#icon8}

2008/09/14 14:38:13 回覆

袋鼠兄,

{#20080913165720396.JPG}

2008/09/14 10:37:52 回覆

││ ││  │└╮
╭┴┴─┴Ⅲ╮ └─╯
│ ﹋ ﹋ │   ╭────────╮
│ ∩ ∩ │ ╭╮│☆中 秋 節 快 樂☆ │
│  ▽  │O╰╯╰────────╯
╰─m∞m─╯
╭╮☆╭╧╮╭╧╮╭╧╮╭╧╮╭╮☆〞
╰幸╮║送║║上║祝║║福║╰ 快╮
☆╰福╘∞╛╘∞╛╘∞╛╘∞╛ ╰樂☆
讓開 讓開
 ╭══╮
╭╯ΘΘ ║
╰⊙═⊙╯ 送月餅  中秋快樂

2008/09/14 03:07:29 回覆

鼠 , 月餅節開開心心 ...................狐

2008/09/13 15:46:19 回覆

奇哥(ki),天佑大佬,謝謝,外國嘅月光應該都係同香港一樣咁圓,中秋節快樂! {#icon15}

包
2008/09/13 15:00:17 回覆

祝 袋鼠兄 和 靚靚袋鼠  中秋節快樂. {#2008042814475167.GIF}

2008/09/13 12:02:51 回覆

祝 袋鼠兄 和 靚靚袋鼠  中秋節快樂.

{#20080913153252561.JPG}   唔好食咁多呀. 

快啲生番個 袋鼠仔 啦. 哈哈.

2008/09/12 13:08:41 回覆

輝哥NSX,遲啲私人回應  {#icon5}

2008/09/11 18:16:12 回覆

袋鼠兄:

去你屋企傾先
多謝~ 係呀, 輝嫂都想我一齊去架, 哈哈, 佢話我唔去就三成機會去, 我都去就六成
我都唔捨得佢自己去, 但我地兩個一齊去又驚大家都揾唔到工
//抱渡假心態,悠閑一點// 太豪喇, 我太孤寒了, 一兩個月都 ok  {#icon0} 同埋佢好似要坐多年半 {#icon27}
讀書我都有諗過, 想讀 master of finance/actuarial...有無好學府介紹?  {#icon8} 係呢, 你同袋鼠靚靚住邊處架?
聽輝嫂講, 華人係果邊唔易揾工(我地都係做IT, 創業又得個講字), 不過因為無香港咁多娛樂消遣, 就可以儲多好多錢

//輝哥NSX,如果輝嫂要到袋鼠島坐移民監,其實如果只係話半年,可以抱渡假心態,悠閑一點,時間好易過。進取啲就可以去報course讀。而且今時今日都好易接觸番香港事物,以前好恨食而又無嘅海南鷄飯、月餅等等,好多都有入口,或有餐館賣,雖然唔夠香港平或好食。有衛星電視,早個月整部上網收音機(反而係寬頻費好貴),只係收唔到商台,上網又睇到報紙(當年空運又貴又遲一星期)。

佢以前留過學好易識應,應該會掛住你多過思鄉。//

2008/08/28 11:43:46 回覆

袋鼠兄得間可否到我處答那些問題?

 

2008/08/28 11:29:44 回覆

唔好意思,變咗自助茶室 {#20080507202643643.GIF}

而家返一返嚟,掃一掃塵先…

2008/08/28 11:27:45 回覆

   趁你唔係 屋企,

入嚟講聲  早晨  先 .

{#20080825104206307.JPG} 

 

欽差大臣
欽差大臣 2008/08/19 23:27:31 回覆

大笨袋鼠----就梗系“大”果只喇!

2008/08/14 04:02:34 回覆

中國加油!香港加油!

大家別忘了為香港打氣, 我們的乒乓孖寶在團體賽以小組首名出線, 男子組風帆代表陳敬然正緊守第二位。他們都是香港的奪金希望, 請大家鼓掌為他們打氣!

則卷小雲
則卷小雲 2008/08/06 06:54:16 回覆
2008/08/02 13:21:50 回覆
我重好鐘意睇足球小將.yeah!!!
2008/07/27 12:08:43 回覆

袋鼠兄,

我想相差無幾囉 !

2008/07/27 08:16:36 回覆

唔過嚟睇下, 都唔知是同年代的人.

我仲睇過 鐵甲人.巴別二世, 太空三虎將.

2008/07/25 01:04:09 回覆

必必、天佑and安仔,嘻嘻,你哋應該知我唔黐家,加上近排少咗講嘢,所以又遲咗回應…

如果你哋鍾意睇飄凌燕嘅凱迪,及蔡麗貞唱歌,又或者路家敏唱快活谷,咁必必姐及天佑大佬應該同我同年代嘅人。 安仔一早講咗好懷念外星小美兒,應該係袋鼠靚靚同一年代

2008/07/14 23:46:12 回覆

剛剛放學都行晒雷,又閃電.

希望今晚唔好嘈住我約左周生,嘿!!!

2008/07/14 21:53:41 回覆

大家都是 同一代 漫畫年代 呀.

利奧, 牧羊小朋友 彼得, 星仔, 天神村, 高立.  哈哈. 不過, 好多名字都忘了.

2008/07/14 15:33:03 回覆

袋鼠兄,

午安 !

究竟我們會不會是同年代的人呢 ?

2008/07/14 00:06:17 回覆

翡安-15,出面大風大雨,今晚飲玄米茶…

Cream姐,多謝造訪啊!

奇哥ki,我覺得大鑊嘢就一定有得爆,不過個個都係估估吓,但我哋可以做嘅係見步行步。 經濟可能會衰退,但金融制度唔會崩潰… 1929-1932年嘅大蕭條都係咁過咗;而且我相信中國經濟會繼續增長,唔怕俾美國經濟拖累,雖然股市要跌,但經濟好就跌咗都係比較易會上番嚟。

2008/07/05 10:27:49 回覆
有無靚茶飲呀?)))))))))))
包
2008/07/04 00:53:10 回覆

最驚現時米國的金融制度會唔會玩完或有無未爆的地雷,引爆個金融制度

如果會,咁就,不忍觀之

另外,

話說米國好耐人為地唔俾衰退

一旦衰退上來,可能好得人驚。

以上兩點,係好壞的情況。

希望唔好發生或發生左,你我都唔知,等有心人攪番掂,我地先知~

 

2008/06/30 09:02:57 回覆

袋鼠兄,

 

  

2008/06/29 14:10:17 回覆

炒股票的,唔需要太執著內容。頂多只可以話,經過這場次按危機,香港及澳洲嘅銀行體系依然健全,但美國嘅銀行體系就元氣大傷。要買邊啲銀行股,邊隻有長線價值而現在賤價抵買,邊隻係股價跌完都係過高於價值,自己執生啦。

這篇嘢係清算格林斯潘,及過去聯儲局貨幣政策和業界監管;因為我係搵傾計嘅前輩、同事學嘢,所以經濟學嘅術語用得比較多。我寫下來是為了幫助整理一下思維,順便有篇新網誌。

2008/06/29 12:33:03 回覆

睇到這篇文章, 我要多下苦功, 裡面好多terms 都唔識.

不過, 個 picture 又清楚多咗.

謝謝.

2008/06/28 16:35:28 回覆
我唔識做對沖, 屎緊!
user