Cally - 朗豪坊新年出奇招 邀黃德斌現身史高治叔叔金庫 市民可於沉浸式金池打卡｜商界講呢啲

新一年想祈求財源滾滾，與其借庫，不如直接走入「金庫」。由1月17日至2月25日，朗豪坊將會邀請迪士尼首富史高治叔叔首次擔任大型裝置嘅主角，喺《朗豪坊黃金寶藏FIND YOUR FORTUNE》帶大家來一趟衝擊視覺及感官嘅探險旅程，揭開其鴨堡金庫嘅神秘面紗。CALLY仲知道今次朗豪坊邀請咗藝人黃德斌以探險及紳士造型現身，同史高治叔叔同場留下不少「黃金畫面」！估唔到德斌同史高治叔叔睇落有幾分相似，呢個宣傳手法幾有心思！

屆時市民可以置身喺佈滿閃爍金幣和珍貴珠寶嘅璀璨金池之中，仲有唔同嘅黃金寶藏等大家發掘；史高治叔叔亦會贈你「金石良言」，俾大家來年「DUCK星高照」，龍年有大好「錢」途。

同時，朗豪坊與人氣玩具設計品牌URDU合作開設期間限定店，帶嚟超過30款極具收藏價值嘅獨家限量精品。為慶祝史高治叔叔嘅外甥唐老鴨誕生90周年並迎接農曆新年，今次會推出三款全金色限定版嘅產品作獨家發售，包括全球只有380隻嘅URDU限量版金色唐老鴨7吋站姿公仔、金色唐老鴨30CM毛絨公仔，以及會場限定30隻嘅唐老鴨盆景系列，由金光閃閃嘅唐老鴨捧住開運金桔與大家一同喜迎新年。

另外，今年朗豪坊嘅限量版「幸運夾萬」賀年利是禮盒亦配合番「黃金寶藏」嘅主題。禮盒設計蘊藏巧思，以寶庫為靈感，入面係璀璨「鑽石」、閃爍「金幣」及象徵豐盛嘅「寶箱」利是封，破格大玩像素藝術風，令設計更顯時尚及藝術感。

Cally