KellyChu - 現身法國見球星 鄭志剛與麥巴比合照 留言「SEE YOU IN HK」｜Executive日記

新世界發展副主席鄭志剛(Adrian)近期現身法國，並會面多位世界名人，繼於Instagram貼出同法國最年輕總理阿塔爾(Gabriel Attal)嘅合照後，昨日再喺限時動態上傳與球星麥巴比嘅相片，兩位搭曬膊頭，笑容滿面，老友鬼鬼咁呀！

Adrian仲喺麥巴比嘅合照貼文寫道：SEE YOU IN HK。目前效力於法甲俱樂部巴黎聖日耳門嘅麥巴比，喺前年卡塔爾世界盃表現出眾，榮膺金靴獎，在全球收穫不少粉絲，成為炙手可熱球星。

傳聞佢年薪已達6億港元，如果麥巴比真係訪問香港，相信一定會震撼全城，吸引各地球迷蜂擁而至呀。

Adrian集郵嘅世界名人又點止阿塔爾同麥巴比，更有時尚品牌Dior嘅男裝總監Kim Jones，Adrian呢個Post就直接寫道：SEE YOU IN MARCH，並加上hashtag#盛事香港，為香港進一步打造盛事之都，真係出心又出力呀。

Kelly Chu