KellyChu - 黃大仙祠年三十開通宵 供善信上「頭炷香」｜Executive日記

歲初上「頭炷香」係黃大仙祠歷史悠久嘅傳統習俗，亦都係香港人過農曆新年嘅重頭戲之一。嗇色園黃大仙祠噚日公布今年「頭炷香」安排，年三十（2月9日）晚上9點起善信可以入祠等候，於子時、即晚上11時，或午夜12時上「頭炷香」，黃大仙祠當晚通宵開放至年初一晚上9時。

上「頭炷香」當晚，祠內實施單向流水式上香及人潮管制，不設求籤區、跪拜區及供品區，想上香嘅善信，可以喺參神平台等候，上完香就要離開喇，不可停留。嗇色園亦提醒，祠內禁帶元寶蠟燭、生油及大型香枝，建議以家庭為單位，只攜備9支線香，於大殿、三聖堂及盂香亭三個上香點敬奉。

而生肖屬龍、狗、牛、兔嘅善信，年初二至整個正月（2月11日至3月9日），出示有效身份證明文件，就可以免費進入「太歲元辰殿」內拜太歲。

Kelly Chu