KellyChu - 區議會選舉成功舉行排第二 港府施政十件大事 全面通關復常居榜首｜Executive日記

由《星島日報》、《文匯報》、香港電台等23間傳媒主辦嘅「2023年特區政府施政十件大事評選」結果昨日出爐，市民投票選出嘅施政大事包括與內地全面恢復通關、區議會選舉成功舉行、開心香港夜繽紛以及禁止日本10地水產品入口等，都係2023年令大家印象深刻嘅政策。

今屆評選中嘅大事之首係政府逐步解除防疫限制，於去年2月6日與內地全面恢復通關，3月1日亦正式取消口罩令，同時關閉社區隔離設施。困擾市民3年嘅新冠疫情告一段落，等待多時終於除下口罩、回復正常生活，絕對係值得被記住嘅回憶。

第二位大事係區議會選舉成功舉行，政府去年5月2日公布完善地區治理建議方案，包括重塑區議會和強化地區治理架構，從制度上確保愛國者治港原則全面貫徹落實，方案推出後嘅首次區議會選舉於12月10日成功舉行，揭開治理新篇。

第三位大事則係去年施政報告中提出嘅取締劣質劏房政策，政府興建簡約公屋，並成立「解決劏房工作組」，為告別劏房定下具體措施，致力改善居住環境，令所有市民都可以安居樂業，小妹認為十分抵讚！

Kelly Chu