KellyChu - 網民喜見激情過後「抱抱」大團圓結局 情侶屯門街頭嗌大交 烈女嬲爆狂奔「剝光豬」｜Executive日記

情人嗌交其實家常便飯，但嗌交嗌到當街除衫，好似又真係少見。近日就網傳片段，一對情侶深夜喺屯門爭執，期間男友講咗句「分手啊！」，女友竟然激動狂奔過馬路，然後脫衣裸露，但劇情之後又峰迴路轉……
　　片段可見，一對情侶在安全島爭執，期間男友激動緊抱女友，並咆哮「夠啦！」但見女友無反應，佢又將外衣丟喺地上，轉頭離開：「分手啊！」女友則說：「你走吖，啲嘢無晒㗎啦，我連屋企都唔返啊，你最鍾意咁㗎啦！」男友繼續咆哮：「你要我咁做㗎！」
　　女友之後情緒激動，衝過馬路，到咗巴士站後，竟邊走邊脫下鞋、長褲及上衣，露出內褲。男子見狀，慌忙追上收拾衣物，並為她披上，大叫：「着返啲衫啊！你鍾意就走咗去，幾多歲啊！」，又再緊抱對方近分半鐘。
　　期間女友情緒似恢復平靜，片段到此完結。唔少網民睇完就留言話，情侶嗌交好正常，希望呢兩位有情人，最後係大團圓結局喇！
KellyChu