KellyChu - 深水埗「光劍攻殼」受歡迎　麥美娟同大家一齊玩｜Executive日記

　　響應「18區日夜都繽紛」，深水埗區議會上周六起連續兩個周末喺福華街及桂林街交界，舉辦「光劍攻殼@深水埗」活動，希望注入地區元素吸引動漫迷同年輕人參與。

　　民政及青年事務局局長麥美娟喺活動開幕禮上，亦同大家玩埋一份，即席揮動激光劍（見圖）。佢話，希望透過「日夜都繽紛」可以吸引市民遊覽18區唔同地方，喺節日或假期時有更多地方去玩，去食嘢，去shopping，「開開心心，家和萬事興。」

　　光劍體驗活動都吸引咗唔少家長帶埋小朋友試玩，有小朋友表示，學咗普通嘅防守、攻擊技能，覺得好好玩，希望媽媽可以買支激光劍畀佢帶返屋企玩咁話。大家都想試玩嘅話，可以喺今個周末去深水埗喇。
KellyChu