KellyChu - C朗面對球迷喊宿敵名字風騷還擊扮「自慰」惹議 | Executive日記

2024/02/27 01:38:07 網誌分類: 生活

27 Feb

　　C朗拿度日前喺沙特聯攻入1球，助艾納斯作客3︰2擊敗艾沙比。不過今次主場球迷就唔多友善，比賽期間，針對C朗不斷高呼佢宿敵美斯個名，意圖挑釁；C朗應該就幾嬲，率隊贏波後，即刻風騷還擊，面對主場球迷，先將手放耳邊，然後將右手放下體前方，前後快速移動，疑似做出「自慰」嘅動作！

　　當地報章就透露，沙特足總會就事件作出調查。當地亦有電視節目主持人亦喺網絡上發文指：「紀律委員會正面臨重大挑戰。無論你名氣有幾大，所有事情都有底線。」不過，C朗賽後就一於少理，喺網上發文話：「堅持到最後一刻，繼續前進！」小妹都知，現場咁樣畀觀眾叫囂，一定唔好受，不過C朗眾目睽睽做呢啲動作，好似又過火咗啲喔。
KellyChu