KellyChu - 響應3．4世界肥胖日 學會搞活動教大家健康瘦身 | Executive日記

　　香港超重及肥胖嘅成年人比例，原來已經由2003年嘅39%，急升至2022年嘅55%！趁世界肥胖日，香港肥胖醫學會及香港肥胖學會周日會喺荃灣荃新天地舉辦公眾教育活動，到時大家除咗可以聽健康講座，仲可以向武術界名宿李暉師傅學習八段錦瘦身！

　　每年3月4日係世界肥胖日，今年主題係「『胖』你同行 健康人生」。為推廣與肥胖症相關嘅健康訊息，香港肥胖醫學會及香港肥胖學會特別舉辦今次活動，並邀請到知名節目主持人陳志雲同觀眾分享多年減肥血淚史，鼓勵建立健康人生。

　　同場亦有體脂檢查、營養教煮及攤位遊戲等。活動3月3日喺荃新天地一期花園廣場舉行，由上午10點開始至下午5點結束，費用全免。
KellyChu