Cally - 朗豪坊推食肆半價回贈 多重優惠 Cally教你賺到盡！｜商界講呢啲

為咗推動食肆生意同回饋旺角區嘅上班族，朗豪坊特別推出50%餐飲回贈優惠，同時亦聯同場內多間食肆推出午市及下午茶時段嘅獨家優惠，如「午市套餐買三送一」或「主餐牌75折」等；加上重磅推出《6PM DINE & PARK免費泊車升級賞》，喺指定時間內入車，憑消費可以享有高達4個鐘免費泊車，等你可以盡情享受行街、食飯嘅樂趣。

　　由即日起至4月30日，逢星期一至五下午1點至5點，LP CLUB會員喺場內40間餐飲食肆消費滿$100，就可以換領$50餐飲電子現金券一張，喺8樓至13樓嘅食肆商舖使用，而且冇最低消費門檻，可以疊加一齊使用。Cally俾個Tips大家，下次只要喺8樓至13樓嘅食肆商舖消費，扣除電子現金券金額後滿$100，又可以再賺多$50電子現金券，換言之可以一直用現金券，同時又儲到新嘅電子現金券，而場內多間餐廳推出嘅午市及下午茶時段嘅優惠，亦可以同50%餐飲回贈優惠同時使用，餐餐都有優惠！

　　另外朗豪坊亦為車主大派福利，由即日起至4月30日推出《6PM DINE & PARK免費泊車升級賞》，逢星期日至星期四晚上6時後，喺場內即日消費滿$100，就可以享有1個鐘頭免費泊車，喺場內食肆消費滿$100仲額外多送1個鐘頭，最多享有4個鐘頭優惠。即係話，只要消費滿$300（包括喺食肆單一消費$100或以上），就可以賺盡4小時免費泊車啦！
Cally