KellyChu - 斥40.2億收購愉景新城 華懋：將打造成香港地標 | Executive日記

　　華懋近期以40.2億元向新世界收購愉景新城商場以及停車場全部權益，集團執行董事兼行政總裁蔡宏興昨日向傳媒分享未來經營商場嘅想法，表示愉景新城除咗會繼續係一個具吸引力嘅本地商場之外，亦會加入新元素，吸引國際遊客到訪，打造成為香港地標。

加入新元素  吸引國際客

　　港人近年鍾意北上消費，蔡宏興認為，係因為內地有唔同體驗可以畀到大家，相信香港市場亦都可以製造更多體驗，留住港人。佢以中環街市為例，指華懋有信心、有能力做出適合唔同市民，以及受唔同遊客歡迎嘅景點，以迎合深度旅遊，締造香港體驗。愉景新城商場連同華懋喺荃灣嘅如心廣場、如心化石公園及如心酒店等，料將產生協同效應。

　　蔡宏興又指，全面撤辣後為樓市帶來信心和平穩，而現時入市以用家為主，因一手樓市場供應仍充足，料樓價不會出現「V」字形反彈，經濟學家分析今年會步入減息周期，但樓價上升空間有限。

KellyChu