Cally - 新地POD概念發展十四鄉綜合休閒發展項目 Zaha Hadid Architects操刀設計 命名為「西沙GO PARK」 | 商界講呢啲

新鴻基地產發展有限公司（新地） 宣佈西沙大型綜合發展項目，除住宅外，將劃分為多元化嘅戶外體育設施及運動商業綜合兩大部份，而運動商業綜合部份正式命名為「西沙GO PARK」，總面積約30萬平方呎。「西沙GO PARK」是一個以POD公園導向發展概念打造，並由全球知名嘅Zaha Hadid Architects操刀，以融合大自然形態嘅流線形設計，將大自然景觀交織於充滿未來感嘅建築之中，成為集運動、娛樂、餐飲及休閒體驗於一身嘅嶄新地標。

　　西沙GO PARK名字同標誌都體現其生活哲學—「Park, life」，係對繁忙都市人平衡生活嘅回應，俾大家享受自然閒暇嘅珍貴。呢度嘅「GO」唔單止係提供綠色空間，更是一個尋找生活質感及靈感嘅旅程。GO PARK嘅標誌呈現西沙獨有景觀為概念，取用咗山巒及海洋嘅輪廓，展現一種令人鬆弛愉悅嘅自然感。

　　新鴻基地產代理有限公司租務部總經理周淑雯小姐表示：「西沙GO PARK以運動為引領，實現『運動商業綜合體』，將運動、餐飲體驗、娛樂、生活休閒等深度整合，融為一體，創造出能滿足大眾重視健康及不同需要嘅生活場景，呈現更人性化嘅社區面貌。其創新概念平衡了項目與四周綠化景觀、締造休閒嘅現代感，把共同興趣嘅社群緊密連繫。我們預計第一階段部分將會喺今年第二季落成，涉及總樓面面積約20萬平方呎。」據知西沙GO PARK短期內更將有多條巴士線及小巴線提供服務，往來烏溪沙站、馬鞍山市中心，大學站及沙田等，四通八達。
Cally