Cally - Mia Cucina橄欖綠廚房引發時尚個性 | 商界講呢啲

2024/03/27 01:40:24 網誌分類: 生活

27 Mar

　　Mia Cucina專門提供一站式廚櫃訂造及爐具配套服務，佢哋透過採用意大利進口物料，並會按照顧客嘅烹飪習慣度身訂造。就同佢哋品牌意思咁，幫大家打造「我的廚房」。今次佢哋推出嘅全新橄欖綠廚房，啱晒追求時尚嘅用家啦。

　　整套廚櫃受到藝術裝飾大膽嘅用色與金屬元素啟發，橄欖綠色啞光門板用咗Fenix納米技術製造，唔單止抗指紋及抗紫外線，仲可以透過熱力修復表面刮痕，長時間保持光鮮；枱面選用咗耐刮耐磨嘅Dekton密瓷岩板，石材入面夾雜住淺灰色紋理，更加時尚。

　　廚櫃邊緣嘅玫瑰金鋼片同樣有獨特嘅火山岩紋理，充滿住藝術裝飾氣息。廚櫃嘅玻璃門木紋層架配合埋LED燈帶，仲可以令擺放嘅靚廚具更突出𠻹！