Cally - 信和集團商場推出「童遊免泊」鼓勵留港消費 | 商界講呢啲

　　信和集團旗下商場喺呢個復活節帶嚟唔同嘅精彩禮遇及活動，包括屯門市廣場大型玩具展、奧海城室內吹氣尋蛋樂園及荃新天地動物主題市集等等，係一家大細出行嘅好去處。

　　為鼓勵市民留港消費，由即日起至4月7日，信和集團指定商場仲推出「童遊免泊」活動，只要帶同12歲或以下兒童，到屯門市廣場、奧海城、荃新天地、中港城、藍灣廣場、黃金海岸商場或朗壹廣場消費滿指定金額，就可以額外享有2小時泊車優惠。

　　同時，S＋REWARDS會員喺屯門市廣場、奧海城、荃新天地、中港城、藍灣廣場、黃金海岸商場、尖沙咀中心及帝國中心、信和廣場及朗壹廣場，只要以電子貨幣消費，成功登記點數後仲可以賺取4倍獎賞點數𠻹！
Cally