KellyChu - 大黃鴨專程游到中山 助陣沙溪非遺旅遊文化周 | Executive日記

　　由荷蘭藝術家霍夫曼創作嘅黃色巨型橡皮鴨，上個月去到中山展出，專程為沙溪非遺旅遊文化周「助陣」，吸引唔少當地居民及遊客前往打卡，欣賞呢件風靡各地嘅公共藝術裝置。

　　「大黃鴨」自2007年誕生，之後喺世界各地巡迴展出，去年於維港亮相期間，平均每日吸引逾30萬人次欣賞，非常受大家喜愛。今次於中山獅滘河展出嘅版本，由維港時約18米高，縮細至10米，重200多公斤，底部裝有鼓風機嘅浮台，令黃鴨可以一直保持姿勢。

　　香港製造團隊負責人徐陽話，大黃鴨係由200多片材料縫在一起，充氣裝置睇起上嚟係好簡單，但其實鴨仔裏面係有好多結構，包括其身體弧度、嘴巴翹度，全部都係經過測量、計算。

KellyChu