街外朋友

11點去荃灣西站海之戀商場，入面的大快活食早餐，見一張長檯坐一阿伯，禮貌問有人坐否？答沒有，順利坐低，歎早餐，望住窗外海景，心廣神怡，快食完之際，阿伯問我現在食是午餐，幾時再食下一餐，我話2點再食，然後佢開始聊天，原來他已86歲，真係保養好，以為76而已，退休前在電力公司做，所以生活不差，現任太太80歲，前一個已乳癌去世，50多走，所以再續弦，常周圍去玩，他的同事退休去外國生活，見不得太好，稅高，所以中國人節省，都在家中煮食多，現在樓價遂跌完，阿爺想香港跌多一半，上面做生意就落香港租寫字樓，買樓，才可經濟復甦，也常上落大陸，上面還可免費搭車 ，他有經歴日本時代，小時候也捱過，現在健康好，因父親當年在瑪麗醫院做廚，他小時候身體差，咳，營養不良，因父親在醫院做，就取咳藥，魚油補充，因此健康回復更勝一籌，傾了一小時，阿伯因經歷不同時代，人生經驗豐富，好多野講，但我都想在樓下散步，就彼此告辭，有緣再見，祝他身體健康，大家都保重。