充實的一天

防漏工程進行一半，客廳和自己房都完工，於是清理現場，原來裝修完的灰塵抹多次才可乾淨，真係做到你暈，跟著窗簾布又拆下清洗，天氣熱，狗都熱到汗流浹背，一星期都沖涼一次，牀單都趁機洗埋，好彩天氣夠炎熱，一切衣物瞬間晾乾，一股清新氣味撲鼻，報答你的辛勞付出，現在乘公共交通，隨時有衣物發霉的氣味，因清洗不徹底，過水不夠，又雨天，不能在陽光下烘乾，殘留這討厭味道。我仔最怕，每次取衣物更換，就嗅一下，有味在，馬上掉到藍子裡，再跟髒衣物重洗一次，男生體味較濃，所以理解，怕影響跟人接觸的印象，有阿媽就是好，家務做得，兩餐又不愁沒人煮，結婚又有擅長煮食的外母，命好啊！

又有些人可以霸氣如此，她在住處的酒樓是長期食客，侍應待她如上賓，一呼百應，馬上埋去接受落單，碰上酒樓生意忙，她都唔理，甚至用手機叫部長幫寫單，我問仔，有人理會佢，是呀！馬上去侍候，因為她平日闊綽，貼士多，過年100蚊利是，人是現實的，這些長期客，比偶然到的更要服務好，眼光要遠大，聽完都對外母寫服字，沒人管到她嗎？仔說，係呀！軍令如山，沒人能講不，樣好不如命好。